قر عىلىم جانە جوعارى ءبىلىم ءمينيسترى ساياسات نۇربەك قر پرەزيدەنتى تەلەراديوكەشەنىنىڭ «3 سۇراق» باعدارلاماسىنا ارنايى سۇحبات بەردى، دەپ حابارلايدى «ادىرنا» ءتىلشىسى.
«كادرلىق دايارلاۋ مودەلىمىز قازىرگى تاڭدا ەڭبەك نارىعىنىڭ تالاپتارىمەن ۇشتاستىرىلماعان، ۇيلەسپەۋشىلىكتەر بار. بيىل 88 مىڭنان استام گرانت ءبولىندى. ول بىلتىرعىدان 16 پايىزعا جوعارى. 4-5 جىلدىڭ ىشىندە ءبىزدىڭ ەڭبەك كۇشىمىز 9-10 ميلليوننان 12,5 ميلليونعا وسەدى. بىراق، ەڭبەك نارىعى وعان دايىن ەمەس. وتاندىق عىلىمنىڭ نەگىزگى پروبلەماسى ناقتى كومپانيالاردىڭ تالاپتارىمەن ۇشتاستىرىلماعان. ياعني عىلىم، ءوندىرىس، ەكونوميكا ءوز بەتىمەن دامىپ جاتىر. قازاقستان تەحنيكالىق، تەحنولوگيالىق ۇلتقا اينالۋى كەرەك. بۇل مەملەكەت باسشىسىنىڭ تاپسىرماسى. كەلەسى جىلدان باستاپ ەلىمىزدىڭ جوو زەرتتەۋ مودەلىنە كوشەدى»،— دەپ ءتۇسىندىردى مينيستر.