ەرلان سايروۆ ەسىمدى ازامات فەيسبۋكتەگى ءوز پاراقشاسىندا بۇكىل ەل الاڭداعان سوت وتىرىسى تۋرالى ءوز ويىن بىلاي ءبىلدىردى: بۇگىنگى قۋانىش - اۋىز تولتىرىپ ايتارلىق، سايراگۇلدىڭ بوساپ شىعۋى مəسەلەنى ءتۇپ-تامىرىنان قاراستىرۋدى تالاپ ەتەدى. Əرينە، سايراگۇلدىڭ مəسەلەسى قازاق سوتسيۋمىنداعى وڭ تەندەنتسيالاردى اشىپ بەردى. بىرىنشىدەن، ەل بولىپ، جەر بولىپ قازاقتىڭ مəسەلەسىن جۇيەلى تۇردە كورسەتۋدىڭ ءəدىسى مەن ءتəسىلى قالىپتاسىپ كەلەدى. ەكىنشىدەن، بيلىك قازاقتىڭ جەكە مəسەلەسىنە كەلگەندە، قوعامدىق، ۇلتتىق قۇندىلىقتار دەڭگەيىنە جەتۋگە تىرىسۋدا. ۇشىنشىدەن، بيلىكتىڭ جوعارى دەڭگەيىندەگى ازاماتتار قازاقستاننىڭ "شاڭىراعى، ۋىعى" قازاق ەكەندىگىن تۇسىنگەن سىڭايلى. تورتىنشىدەن، بيلىك پەن قوعام اراسىنداعى ەل مəسەلەسى جونىندەگى ديالوگ الاڭى پايدا بولعان. سوت شەشىمى - ەل-جۇرت دەپ جۇرگەن ازاماتتار مەن بيلىكتىڭ جوعارى دەڭگەيدەگى وكىلدەرىنىڭ بىرلەسكەن شەشىمى. ال ەندە، قانداي پروبلەمالار بار؟ پروبلەمانىڭ ەڭ نەگىزگىسى، "ارعى بەتتەگى" اعايىن ەلىمىزگە ءبىرجولا كوشۋدى تەزدەتۋ كەرەك. ول جاقتا قازاققا ءومىر دە، كەڭىستىك تە، جەر دە جوق. وسىنى ءتۇسىنۋ كەرەك. "قازاق بولىپ قالامىن" دەگەن بارشا قاراكوزدىڭ جەدەلدەتىپ بەرگى بەتكە كوشۋى ابزال. "كورەسىنى وسى جاقتا كورۋگە، ءوز ۇلتىمەن بىرگە بولۋعا" دايىن بولۋى كەرەك. بۇل شەشىم تەك قىتايداعى اعايىنعا عانا ەمەس، وزبەكستانداعى، رەسەيدەگى، تۇركىمەنستانداعى، اۋعانداعى اعايىننىڭ بارلىعىنا قاتىستى. ول جاقتا قازاقتىڭ اۋاسى تارىلىپ قانا قويعان جوق. ول جاقتا ەشتەڭە قالعان جوق! وسىنى ءتۇسىنۋ كەرەك. قازاق بولۋ، تەك - قازاقستاندا! مەملەكەتكە يەك ارتپاي، ەلگە جاپپاي كوشۋدىڭ قامى - نەگىزگى ماقسات! سىرتتاعى 6 ملن. قازاق ەلىمىزگە كوشىپ كەلسە، عالامات əلەۋمەتتىك ءوسىم جəنە دامۋ بولارى ءسوزسىز! Əرينە، پروبلەما دا بولادى. بىراق، سول پروبلەمادان قورقىپ، ەلگە كەلمەسە، سول اعايىن ەرتەڭ قىتاي، وزبەك، تۇركىمەن... بولىپ شىعا كەلەدى. ناعىز تراگەديا - سول!
ەرلان سايروۆ: سىرتتاعى قازاق كوشىپ كەلسە، عالامات əلەۋمەتتىك ءوسىم جəنە دامۋ بولادى!
02.08.2018
2632
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз