باۋ-باقشاسىن تاپتاپكەتكەنى ءۇشىن جىلقىنى كولىكپەن قاساقانا قاققان ەر ادام 10 كۇنگە قامالدى دەپ حابارلايدى كتك ارناسى.
الماتى وبلىسى مەجدۋرەچەنسك اۋىلىنىڭ 38 جاستاعى تۇرعىنى اقىرى جازادان قۇتىلا المادى. ويتكەنى بۇل جايتقا اۋىلدىڭ باسقا تۇرعىندارى ورە تۇرەگەلگەن. ءتىپتى، جۇرگىزۋشىنىڭ ءۇيىنىڭ الدىنا جينالىپ، اشىق نارازىلىق ءبىلدىردى.
وقيعا وسىدان 4 كۇن بۇرىن الماتى وبلىسىندا بولعان. 38 جاستاعى تۇرعىن جول تالعامايتىن كولىگىمەن بۋاز جىلقىنى قاساقانا باسىپ كەتەدى.
بۇل ارەكەتىن ول اۋىل جىلقىلارىنىڭ اۋلاسىنا ءجيى كىرىپ، باۋ-باقشانى تاپتاپ كەتە بەرگەسىن جۇيكەم توزدى دەپ تۇسىندىرگەن.
باستاپقىدا ەر ادام مال يەسىمەن مامىلەگە كەلگەن ەكەن. الايدا اۋىل تۇرعىندارى “جازىقسىز مالدى ولتىرگەن ازامات بوستاندىقتا ءجۇر” دەپ شۋ شىعارعان. سوت بۇگىن جىلقىنى باسقان ازاماتتى 10 كۇنگە قاماۋ تۋرالى شەشىم شىعاردى.
“ادىرنا” ۇلتتىق پورتالى
