تالايدىڭ تاعدىرىن قۇتقارعان 29 جاستاعى قىزىلوردالىق ازامات مەرت بولدى

11582
Adyrna.kz Telegram
قىزىلوردا تۇرعىنى، قۇتقارۋشى-cۇڭگۋىر، جاقىندا عانا وتان الدىنداعى بورىشىن وتەپ كەلگەن ساعىندىق جۇباتقانوۆ جان ءتاسىلىم ەتتى، دەپ جازادى "ادىرنا" ءتىلشىسى. بۇل تۋرالى گۇلميرا ابىقاي جەلىلىك پاراقشاسىندا مالىمدەدى. 
گۇلميرا حانىمنىڭ ايتۋىنشا، تالايدىڭ تاعدىرىنا اراشا بولعان، قانشاما سۋعا باتقان جاندى قۇتقارىپ قالعان ساعىندىق قان جەتىسپەۋشىلىگىنەن قازا تاپقان. ونى كوشە بۇزاقىلارى پىشاقتاپ كەتكەن.
"2 كۇن بۇرىن تۇندەلەتىپ ستوريس سالدىم، قىزىلوردالىق قۇتقارۋشى-سۇڭگۋىر ساعىندىق جۇباتقانوۆقا قان كەرەك دەپ. ءتۇن بولعانىنا قاراماستان ونداعان وقىرمانىم “مەن تاپسىرامىن” دەپ قۋانتتى، ءتىپتى، شيەلىلىك كورەرمەنىم گۇلزينات ساعىندىقوۆا “ۋايىمداماڭىز، اپكە! ەرتەڭ قان تاپسىرۋعا ون شاقتى ادامدى ءوزىم ەرتىپ بارامىن” دەپ حابارلاستى، دەلىنگەن جازبادا.
الايدا سول ءتۇنى ساعىندىقتىڭ قايتىس بولعانى تۋرالى حابار كەلىپتى:
"قانداي وكىنىشتى… 29 جاستاعى جىگىت، اسكەردەن كەلگەننەن بەرگى جىلدارىن سۋعا باتقان تالاي جاندى اجالدان اراشالاۋمەن وتكىزگەن ادامنىڭ ەندى ءوزى جوق. قىزمەت بابىمەن نە دەرتتەن كوز جۇمسا ءبىر ءجون، قايداعى ءبىر كوشە بۇزاقىلارىنىڭ پىشاعىنان ءولىپ وتىر. بۇگىن جالاعاش اۋدانىنىڭ جاڭاتالاپ اۋىلىندا جاڭا تومپەشىك پايدا بولدى، جانازاسى شىعارىلدى. 90-عا كەلگەن جۇباتقان اتامىز تۇڭعىش نەمەرەسىن ءوز قولىنان اتتاندىرىپ ەسەڭگىرەپ قالدى. اكەسى كەلدىبەككە دە بۇل قايعى وڭاي تيگەن جوق. ارتىنان ەرگەن ەكى باۋىرى مەن اناسى قالدى اڭىراپ" دەپ جازدى گۇلميرا ابىقاي.
اسكەردەن كەلگەلى توتەنشە جاعدايدىڭ ورتاسىندا جۇرگەن جىگىت ۇيلەنىپ تە ۇلگەرمەگەن ەكەن. "ومىرگە كەلگەندەگى بار ميسسياسى ادام قۇتقارۋ بولعانداي" دەيدى كوپشىلىك.
"ادىرنا" ۇجىمى مارقۇمنىڭ اتا-اناسى مەن بارشا جاقىندارىنا قايعىرا كوڭىل ايتادى.
ساعىندىرىپ كەلدى، ساعىنىش بولىپ كەتتى…
پىكىرلەر