جەلىدە ءوزىن «قىزىلوردا وبلىسى پروكۋرورىنىڭ ايەلىمىن» دەپ تانىستىرعان كەلىنشەكتىڭ كۇزەتشىلەرگە دورەكىلىك تانىتقان ۆيدەوسى تاراعان ەدى. پوليتسيا ونىڭ كىم ەكەنىن انىقتادى، دەپ جازادى "ادىرنا".
اتالعان جايت بويىنشا شىمكەنت قالاسى ءال-فارابي اۋدانى پوليتسيا باسقارماسىنا جەكە سەرىكتەستىكتىڭ كۇزەت قىزمەتكەرى شاعىم تۇسىرگەن. 15 شىلدە كۇنى ساعات 14:00 شاماسىندا عيماراتقا كەلگەن جاس ايەل كۇزەتشىلەرگە دورەكى سوزدەر ايتىپ، بالاعاتتاعانى ءۇشىن جاۋاپكەرشىلىككە تارتۋ تۋرالى ءوتىنىش جازعان.
«ءال-فارابي اۋداندىق پوليتسيا بواسقارماسىنىڭ قىزمەتكەرلەرى ايەلدىڭ جەكە باسىن انىقتادى. ول 1984 جىلى تۋعان جەرگىلىكتى تۇرعىن، بۇرىن ازامات د-مەن تۇرمىستا بولعان (پروكۋراتۋرا قىزمەتكەرى ەمەس). قازىرگى ۋاقىتتا ازاماتشا رەسمي تۇردە ەشكىممەن نەكەدە تۇرمايدى. سوڭعىعا قاتىستى اقبتك-ءنىڭ 434-بابى بويىنشا اكىمشىلىك جاۋاپكەرشىلىككە تارتۋ بويىنشا شارالار قابىلدانۋدا» دەلىنگەن شىمكەنت قالاسى پوليتسيا دەپارتامەنتىنىڭ ءباسپاسوز قىزمەتى تاراتقان حابارلامادا.
