كەشە ۇلتشىل مارعۇلان بورانباي مەن دانات نامازبايدىڭ ءىسى بويىنشا اپەللياتسيالىق سوت وتىرىسى ءوتتى، دەپ جازادى "ادىرنا" ۇلتتىق پورتالى.
«ۇلتتىق الاۋىزدىقتى قوزدىردى» دەگەن كۇدىكپەن قامالعان ەكى بلوگەر-بەلسەندىنىڭ دە جازاسى جەڭىلدەتىلمەدى. كەرىسىنشە مارعۇلان بورانبايدىڭ مەرزىمىنىڭ ۇستىنە ەكى اي قوسىلدى. ءسويتىپ مارعۇلان بورانباي 5 جىل 2 ايعا، دانات نامازباي 5 جىلعا سوتتالدى. اپەللياتسيالىق ساتى بلوگەر دونات نامازباەۆقا قاتىستى ۇكىمدى وزگەرىسسىز قالدىردى.
"الماتى قالاسى المالى اۋداندىق سوتىنىڭ 2022 جىلعى 14 ناۋرىزداعى بورانباەۆ مارعۇلان ءساتپايۇلىنا قاتىستى ۇكىمى وزگەرتىلسىن جانە بورانباەۆتى (...) بۇقارالىق اقپارات قۇرالدارى مەن تەلەكوممۋنيكاتسيالىق جەلىلەردى پايدالانا وتىرىپ، قوعامدىق-ساياسي قىزمەتپەن اينالىسۋ قۇقىعىنان ءۇش جىل مەرزىمگە ايىرا وتىرىپ، بورانباەۆقا بەس جىل ەكى اي باس بوستاندىعىنان ايىرۋ تۇرىندەگى جازا تاعايىندالسىن. دانات نامازاباەۆقا قاتىستى ۇكىم وزگەرىسسىز قالدىرىلسىن", - دەدى سۋديا دۇيسەنبىدە قاۋلىنى جاريا ەتە وتىرىپ.
"ادىرنا" ۇلتتىق پورتالى
