قازاقستان ەلشىلىگى رەسەيدە وقيتىن ستۋدەنتتەرگە ۇندەۋ جاسادى

2951
Adyrna.kz Telegram
فوتو: mail.kz
فوتو: mail.kz
رەسەي فەدەراتسياسىنداعى قر ەلشىلىگى رەسەيگە وقۋعا كەلەتىن قازاقستاندىق ستۋدەنتتەرگە ۇندەۋ جاريالادى. ولار رەسەيگە كىرگەن كەزدە كوشى-قون كارتاسىن تولتىرىپ، كەلۋ ماقساتىن "وقۋ" دەپ كورسەتۋى كەرەك. بۇل تۋرالى ەلشىلىكتىڭ رەسمي سايتى مالىمدەدى، دەپ حابارلايدى “ادىرنا” ۇلتتىق پورتالى.
"رەسەيگە كىرگەن كەزدە كۇندىزگى جانە كەشكى بولىمدە وقيتىن ستۋدەنتتەر كوشى-قون كارتاسىن تولتىرىپ، كەلۋ ماقساتىن "وقۋ" دەپ كورسەتۋى كەرەك. كەلۋ ماقساتىنىڭ باسقا تۇرلەرىن كورسەتۋ رەسەي فەدەراتسياسىنىڭ كوشى-قون زاڭناماسىن بۇزۋ بولىپ تابىلادى", – دەلىنگەن حابارلامادا.
ۆەدومستۆو مالىمەتىنشە، ستۋدەنتتەر كەلگەن كۇننەن باستاپ 90 كۇن ىشىندە بەلگىلەنگەن مەديتسينالىق ۇيىمداردا مەديتسينالىق تەكسەرۋدەن وتۋگە ءتيىس. مۇنداي ۇيىمداردىڭ ءتىزىمىن ءبىلىم الىپ جاتقان ۋنيۆەرسيتەت اكىمشىلىگىنەن سۇراۋعا بولادى.
"رەسەي فەدەراتسياسىنىڭ اۋماعىنداعى بارلىق شەتەلدىك ازاماتتار ءۇشىن ساقتاندىرۋ ءپوليسىنىڭ بولۋى مىندەتتى ەكەنىن ەسكەرتەمىز. جوو ساقتاندىرۋ كومپانيالارىمەن بىرلەسىپ، ستۋدەنتتەرگە ارنالعان ارنايى باعدارلامالاردى، سونىڭ ىشىندە 07.01.2021 جىلعى 274-فز فەدەرالدىق زاڭىنا سايكەس اقىلى مەديتسينالىق تەكسەرۋدەن ءوتۋ قىزمەتتەرىن ازىرلەدى", – دەپ قوستى ۆەدومستۆو.
”ادىرنا” ۇلتتىق پورتالى 
پىكىرلەر