قازاقستان رەسەيدەن قانت ساتىپ الادى. بۇل تۋرالى بەلارۋستىڭ ۆيتەبسك قالاسىندا وتكەن ەەك كەڭەسى وتىرىسىنىڭ قورىتىندىسى بويىنشا، ساۋدا-ەكونوميكالىق ءىس-قيمىل ماسەلەلەرى بويىنشا بىرقاتار شەشىم قابىلداندى، دەپ حابارلايدى “ادىرنا” ۇلتتىق پورتالى.
كوميسسيانىڭ ءباسپاسوز قىزمەتى حابارلاعانداي، ەۋرازيالىق ەكونوميكالىق كوميسسيا كەڭەسىنىڭ مۇشەلەرى ەاەو ەلدەرىنىڭ ۋاكىلەتتى ورگاندارىنا ىشكى قاجەتتىلىكتەردى قامتاماسىز ەتۋ ءۇشىن ءوزارا ساۋدا شەڭبەرىندە قانت جەتكىزىلىمدەرىنە كەلىسىمشارت جاساسۋ بويىنشا جۇمىس جۇرگىزۋدى تاپسىردى.
بۇل رەتتە تاراپتار مۇشە مەملەكەتتەردىڭ ىشكى نارىعىنا قانتتى ساتۋ باسىمدىعىنا، سونداي-اق رەسەيدە قولدانىستاعى 2022 جىلعى 31 تامىزعا دەيىن مۇنداي جەتكىزىلىمدەرگە شەكتەۋلەر ۇزارتىلمايتىنىنا سۇيەنۋگە ءتيىس.
«ەەك الاڭىندا كونسۋلتاتسيالار قورىتىندىسى بويىنشا كەلىسىمشارتتار جاساسۋ جانە قاجەتتى قانت كولەمىن 1 قىركۇيەكتەن كەيىن جەتكىزۋ مۇمكىندىگىنە قاتىستى كەپىلدىكتەر بەرىلدى. اتاپ ايتقاندا، رەسەي جانە قازاقستان اۋىل شارۋاشىلىعى مينيسترلىكتەرى جىل سوڭىنا دەيىن 168 مىڭ توننا جوسپارلى كولەمدى ۇلعايتۋعا كەلىستى. وسى جاڭالىقتاردان كەيىن نارىقتاعى بارلىق الىپساتارلىق اياقتالاتىنىنا كۇمانىم جوق»، – دەدى كوميسسيانىڭ ساۋدا جونىندەگى ءمينيسترى اندرەي سلەپنەۆ.
”ادىرنا” ۇلتتىق پورتالى
