نۇر-سۇلتاندا ازياداعى ءوزارا ءىس-قيمىل جانە سەنىم شارالارى كەڭەسى (اوسشك) جاستار كەڭەسىنىڭ V-ءشى وتىرىسى ءوتتى.
ايتا كەتۋ كەرەك، جاستار كەڭەسى قازاقستان رەسپۋبليكاسىنىڭ اوسشك-كە توراعالىق ەتكەن ساتىنەن باستاپ ەكىنشى رەت وتۋدە. وتكەن جىلى پاندەمياعا بايلانىستى ءىس-شارا ونلاين فورماتتا وتكەن ەدى.
ءىس-شاراعا اقپارات جانە قوعامدىق دامۋ ۆيتسە-ءمينيسترى الەكساندر دانيلوۆ، اوسشك حاتشىلىعىنىڭ اتقارۋشى ديرەكتورى قايرات سارىباي، نازارباەۆ ۋنيۆەرسيتەتىنىڭ ۆيتسە-پرەزيدەنتى حاديشا دايروۆا، كاتار، يوردانيا، يزرايل، پالەستينا، وزبەكستان، يران، رەسەي، قىرعىزستان، قىتاي، پاكىستان، تاجىكستان، تايلاند، بانگلادەش، يراك جاستار قوعامداستىقتارى مەن مەملەكەتتىك ورگاندارىنىڭ وكىلدەرى قاتىستى سونداي-اق بۇۇدب، تۇركپا حالىقارالىق ۇيىمدارىنىڭ وكىلدەرى قاتىستى.
قر اقپارات جانە قوعامدىق دامۋ ۆيتسە-ءمينيسترى الەكساندر دانيلوۆ اوسشك قۇرۋداعى قازاقستاننىڭ تاريحي جانە نەگىزگى ءرولىن اتاي وتىرىپ، ۇيىمنىڭ قۇرىلىمدىق ينستيتۋت بولىپ تابىلاتىن ازياداعى سەنىمدى، بەيبىتشىلىك پەن قاۋىپسىزدىكتى نىعايتۋدىڭ نەگىزگى ماقساتىنا جاردەمدەسەتىن اوسشك جاستار كەڭەسىنىڭ تابىستى قىزمەتىنە نازار اۋداردى.
«بۇگىن اوسشك جاستار كەڭەسى فورۋمعا مۇشە مەملەكەتتەردىڭ ۇلتتىق جاستار ۇيىمدارى اراسىنداعى وڭىرلىك ىنتىماقتاستىقتىڭ ءتيىمدى الاڭىنا اينالدى دەپ سەنىممەن ايتۋعا بولادى»، - دەدى ۆيتسە-مينيستر.
پلەنارلىق وتىرىس جانە پانەلدىك پىكىرتالاستار بارىسىندا قاتىسۋشىلار جاستار جانە ستۋدەنتتەر الماسۋ باعدارلامالارى، جاستاردىڭ راديكالدانۋىنا قارسى ءىس-قيمىل، دامۋ سالاسىنداعى ۇلتتىق جانە وڭىرلىك كۇن تارتىبىندەگى جاستاردى دامىتۋدىڭ باسىمدىعى، جاستار اراسىندا ءسۋيتسيدتىڭ، ەسىرتكىگە تاۋەلدىلىكتىڭ الدىن الۋ جونىندەگى شارالاردى تالقىلاۋ سياقتى وزەكتى تاقىرىپتاردى تالقىلادى.
وتىرىس قورىتىندىسى بويىنشا قاتىسۋشىلار اوسشك-ءنىڭ جاستار ۇيىمدارىمەن ديالوگ پەن ارىپتەستىك قاتىناستارىن جانداندىرۋعا، سونداي-اق جاستار اراسىنداعى راديكاليزممەن، ءسۋيتسيدتىڭ جوعارى دەڭگەيىمەن جانە ەسىرتكىگە تاۋەلدىلىكپەن بايلانىستى وزەكتى ماسەلەلەردى شەشۋگە جاستار قوعامداستىقتارىنىڭ قاتىسۋىن قولداۋعا كەلىستى.
جالپى، قاتىسۋشى دەلەگاتتار تالقىلانعان ماسەلەلەر اوسشك ەلدەرىندە جاستار ساياساتىن ىلگەرىلەتۋ ءۇشىن ءوزارا قىزىعۋشىلىق تۋدىراتىنى تۋرالى ءبىراۋىزدان كەلىستى.
اوسشك جاستار كەڭەسى ازياداعى ءوزارا ءىس-قيمىل جانە سەنىم شارالارى جونىندەگى كەڭەسكە مۇشە مەملەكەتتەر قىزمەتىنىڭ باعىتتارى شەڭبەرىندە وعان كىرەتىن جاستار ۇيىمدارىنىڭ، بىرلەستىكتەرىنىڭ، قوزعالىستارىنىڭ ۇيلەستىرۋ قىزمەتىن جۇزەگە اسىراتىن كونسۋلتاتيۆتىك-كەڭەسشى ورگان بولىپ تابىلادى.
اوسشك شاقىرۋ تۋرالى يدەيانى قازاقستان 1992 جىلعى 5 قازاندا بۇۇ باس اسسامبلەياسىنىڭ 47-سەسسياسىندا باستاماشىلىق ەتتى. بۇل باستامانىڭ قوزعاۋشى كۇشى ازيادا بەيبىتشىلىك پەن قاۋىپسىزدىكتى قامتاماسىز ەتۋ بويىنشا ءتيىمدى ءارى قولايلى قۇرىلىم قۇرۋعا ۇمتىلۋ بولدى.
