Nur-Sultanda Azııadaǵy ózara is-qımyl jáne senim sharalary keńesi (AÓSShK) Jastar keńesiniń V-shi otyrysy ótti.
Aıta ketý kerek, jastar keńesi Qazaqstan Respýblıkasynyń AÓSShK-ke tóraǵalyq etken sátinen bastap ekinshi ret ótýde. Ótken jyly pandemııaǵa baılanysty is-shara onlaın formatta ótken edi.
Is-sharaǵa Aqparat jáne qoǵamdyq damý vıe-mınıstri Aleksandr Danılov, AÓSShK Hatshylyǵynyń Atqarýshy dırektory Qaırat Sarybaı, Nazarbaev Ýnıversıtetiniń Vıe-prezıdenti Hadısha Daırova, Katar, Iordanııa, Izraıl, Palestına, Ózbekstan, Iran, Reseı, Qyrǵyzstan, Qytaı, Pákistan, Tájikstan, Taıland, Bangladesh, Irak jastar qoǵamdastyqtary men memlekettik organdarynyń ókilderi qatysty sondaı-aq BUUDB, TúrkPA halyqaralyq uıymdarynyń ókilderi qatysty.
QR Aqparat jáne qoǵamdyq damý vıe-mınıstri Aleksandr Danılov AÓSShK qurýdaǵy Qazaqstannyń tarıhı jáne negizgi rólin ataı otyryp, uıymnyń qurylymdyq ınstıtýt bolyp tabylatyn Azııadaǵy senimdi, beıbitshilik pen qaýipsizdikti nyǵaıtýdyń negizgi maqsatyna járdemdesetin AÓSShK Jastar keńesiniń tabysty qyzmetine nazar aýdardy.
«Búgin AÓSShK Jastar keńesi Forýmǵa múshe memleketterdiń ulttyq jastar uıymdary arasyndaǵy óńirlik yntymaqtastyqtyń tıimdi alańyna aınaldy dep senimmen aıtýǵa bolady», - dedi vıe-mınıstr.
Plenarlyq otyrys jáne paneldik pikirtalastar barysynda qatysýshylar jastar jáne stýdentter almasý baǵdarlamalary, jastardyń radıkaldanýyna qarsy is-qımyl, damý salasyndaǵy ulttyq jáne óńirlik kún tártibindegi jastardy damytýdyń basymdyǵy, jastar arasynda sýııdtiń, esirtkige táýeldiliktiń aldyn alý jónindegi sharalardy talqylaý sııaqty ózekti taqyryptardy talqylady.
Otyrys qorytyndysy boıynsha qatysýshylar AÓSShK-niń jastar uıymdarymen dıalog pen áriptestik qatynastaryn jandandyrýǵa, sondaı-aq jastar arasyndaǵy radıkalızmmen, sýııdtiń joǵary deńgeıimen jáne esirtkige táýeldilikpen baılanysty ózekti máselelerdi sheshýge jastar qoǵamdastyqtarynyń qatysýyn qoldaýǵa kelisti.
Jalpy, qatysýshy delegattar talqylanǵan máseleler AÓSShK elderinde jastar saıasatyn ilgeriletý úshin ózara qyzyǵýshylyq týdyratyny týraly biraýyzdan kelisti.
AÓSShK Jastar keńesi Azııadaǵy ózara is-qımyl jáne senim sharalary jónindegi keńeske múshe memleketter qyzmetiniń baǵyttary sheńberinde oǵan kiretin jastar uıymdarynyń, birlestikteriniń, qozǵalystarynyń úılestirý qyzmetin júzege asyratyn konsýltatıvtik-keńesshi organ bolyp tabylady.
AÓSShK shaqyrý týraly ıdeıany Qazaqstan 1992 jylǵy 5 qazanda BUU Bas Assambleıasynyń 47-sessııasynda bastamashylyq etti. Bul bastamanyń qozǵaýshy kúshi Azııada beıbitshilik pen qaýipsizdikti qamtamasyz etý boıynsha tıimdi ári qolaıly qurylym qurýǵa umtylý boldy.
