Twitter كومپانياسى يلون ماسكتى 44 ميلليارد دوللارعا كومپانيانى ساتىپ الۋ كەلىسىمىن اياقتاۋ ءۇشىن سوتقا بەردى، - دەپ حابارلايدى "ادىرنا" ءتىلشىسى Reuters اگەنتتىگىنە سىلتەمە جاساپ.
شاعىم اقش-تىڭ دەلاۆەر شتاتىنىڭ كانتسەرلىك سوتىنا جىبەرىلدى.
«تۆيتتەر ماسكتى ودان ءارى زاڭ بۇزۋعا جول بەرمەۋ، ماسكتى ءوزىنىڭ زاڭدى مىندەتتەمەلەرىن ورىنداۋعا ماجبۇرلەۋ جانە بىرنەشە ورىندالماعان شارتتار بولسا، بىرىكتىرۋدى اياقتاۋعا ماجبۇرلەۋ ءۇشىن وسى سوت ءىسىن قوزعاپ وتىر»، - دەلىنگەن قۇجاتتا.
ەسكە سالايىق، شىلدەنىڭ باسىندا ماسك Twitter-ءدى ساتىپ الۋ تۋرالى 44 ميللياردتىق كەلىسىمدى بۇزعان بولاتىن.
بۇدان بۇرىن حابارلانعانداي، كەلىسىم شارتتارىنا سايكەس ماسك ساتىپ الۋدان باس تارتسا، ءبىر ميلليارد دوللار تولەۋى كەرەك ەدى.
وسىعان دەيىن Tesla مەن SpaceX نەگىزىن قالاۋشى كومپانيا جالعان اككاۋنتتاردىڭ، سونىڭ ىشىندە بوتتار مەن سپام جىبەرۋ ءۇشىن پايدالانىلعانداردىڭ سانى ولاردىڭ جالپى سانىنىڭ 5 پايىزىنان اسپايتىنىن دالەلدەمەسە، كەلىسىمنەن شىعامىن دەپ قورقىتقان.
"ادىرنا" ۇلتتىق پورتالى
