امەريكالىق ميللياردەر ءارى كاسىپكەر، SpaceX جانە Tesla كومپانيالارىنىڭ نەگىزىن قالاۋشى يلون ماسك X الەۋمەتتىك جەلىسىندەگى پاراقشاسىندا ءبىرىنشى ادامنىڭ ميىنا Neuralink يمپلانتىن ورناتۋ پروتسەدۋراسى وتكەنىن مالىمدەدى، دەپ حابارلايدى “ادىرنا” ۇلتتىق پورتالى.
ونىڭ ايتۋىنشا، قۇرىلعىنىڭ جۇمىسى جاقسى ناتيجەلەر كورسەتۋدە.
ء"بىرىنشى ادام كەشە Neuralink-تەن يمپلانت الدى جانە وتادان كەيىن ساۋىعىپ كەلەدى", - دەپ جازدى ميللياردەر ءوز پاراقشاسىندا.
2023 جىلدىڭ قىركۇيەگىندە امەريكالىق كاسىپكەر يلون ماسكتىڭ نەيروتەحنولوگيالىق كومپانياسى Neuralink يمپلانتتاردى ميعا ورناتۋ يمپلانتاتسيالاۋ بويىنشا كلينيكالىق سىناقتار ءۇشىن ەرىكتىلەردى ىزدەي باستاعان بولاتىن.
Neuralink 2016 جىلدان بەرى جۇمىس ىستەيدى، ونىڭ ماقساتى - مي مەن جۇلىن جاراقاتتارىنىڭ سالدارىن جويۋعا كومەكتەسەتىن چيپ جاساۋ، وسىلايشا سال اۋرۋىنا شالدىققان ادامدار قايتادان قوزعالا الادى.
2021 جىلدىڭ اقپانىندا ماسك مايمىلدىڭ ميىنا ءچيپتىڭ ءساتتى يمپلانتاتسيالانعانىن جاريالادى; ساۋىردە كومپانيا مايمىلدىڭ «وي كۇشىمەن» بەينەويىندار ويناپ جاتقانىن كورسەتتى. ال 2023 جىلدىڭ 26 مامىرىندا Neuralink FDA-دان ادام بويىنداعى العاشقى كلينيكالىق سىناقتى وتكىزۋگە رۇقسات العانىن جاريالاعان ەدى.
“ادىرنا” ۇلتتىق پورتالى
