قارتتار مەن مۇگەدەكتەر ۇيىنە دەپۋتاتتار دا بارادى

2085

«اق جول» پارتياسىنىڭ دەپۋتاتتارى، حالىقپەن كەزدەسۋلەرىن جالعاستىرۋدا. 

2022 جىلدىڭ 8 شىلدەسىندە قر پارلامەنتى ءماجىلىسىنىڭ دەپۋتاتى قازىبەك يسا شىمكەنت قالاسىندا ورنالاسقان تۇركىستان وبلىستىق «قارتتار مەن مۇگەدەكتەر ءۇيى» مەكەمەسىنە باردى.

بۇل مەكەمە 1965 جىلى اشىلعان. مەكەمەدە 170 ادام پانالايدى. مەكەمەدە تۇرىپ جاتقاندارعا 4 مەزگىل ىستىق تاماق بەرىلەدى، ارناۋلى ۇيىرمەلەر جۇمىس ىستەيدى، كىتاپحاناسى بار، پسيحولوگتار قاريالارمەن تىعىز جۇمىس جاساۋدا. وسى مەكەمەدە «اق جول» دەموكراتيالىق پارتياسىنىڭ ەڭ بەلسەندى مۇشەسى، ەڭ جاسى ۇلكەن بلوگەر مامبەت قۇرمانباەۆ ءومىر سۇرەدى. ءبىر نەشە جىلدار بويى «قارتتار ءۇيى» مامبەت اعامىز ءۇشىن قارا شاڭىراققا اينالعان.

«قارتتار مەن مۇگەدەكتەر ءۇيى» مەكەمەسى شىمكەنت قالاسىندا ورنالاسقانىمەن تۇركىستان وبلىسىنا قاراستى. بۇل مەكەمەدە وسى كۇنگە دەيىن گاز ماسەلەسى شەشىلمەگەن، قىستا كومىر جاعىلادى. وسى ماسەلە بويىنشا «قارتتار ءۇيىنىڭ» اكىمشىلىگى ءوز تاراپىنان قر پارلامەنتى ءماجىلىسىنىڭ دەپۋتاتى قازىبەك يساعا حات جولداپ، گاز ماسەلەسىن شەشىپ بەرۋ تۋرالى ءوتىنىش جاساعان. ءوز تاراپىنان حالىق قالاۋلىسى قر ەنەرگەتيكا مينيسترلىگىنە جانە شىمكەنت قالاسىنىڭ اكىمىنە حات جولداعان. كوپ ۇزاماي ماسەلە وڭ شەشىمىن تاۋىپ «قارتتار ءۇيى» قىستا گازبەن جىلىتىلاتىن بولدى. «قارتتار مەن مۇگەدەكتەر ءۇيىنىڭ» ديرەكتورى شاربات شىرىنبەكوۆا: “15 جىلدان بەرى گاز قوسامىز دەپ، قولىمىز جەتپەي ءجۇر ەدى. ءماجىلىس دەپۋتاتى، “اق جول” فراكتسياسى مۇشەسى قازىبەك يسانىڭ ىقپالىمەن بۇل ماسەلە شەشىلەتىن بولاتىن بولدى. قازىر 3 ميلليون تەڭگە تۇراتىن تەحنيكالىق قۇجاتتار تەگىن جاسالىنىپ بەرىلدى، تامىز ايىندا گاز قۇبىرلارىن دا تەگىن ورناتىپ بەرەتىن بولدى. كۇزگە قاراي گاز دا كەلىپ قالادى دەپ جوسپارلاۋدامىز. پارلامەنتتە حالىق ءسوزىن سويلەپ وتىرعان ازات پەرۋاشەۆ باستاعان

اقجولدىق دەپۋتاتتارعا اق جول تىلەيمىز!” دەپ شىن ريزالىعىن، اقجارما تىلەگىن ءبىلدىردى.

-“اق جول” فراكتسياسى حاتىن جەردە قالدىرماعان، الەۋمەتتىك جاۋاپكەرشىلىك كورسەتىپ وتىرعان ەنەرگەتيكا مينيسترلىگىنە، “Qazaqgaz” بەن “قازترانسگاز” باسشىلىعىنا كوپ راحمەت ايتامىز. وندا سىزدەرگە قۇداي قالاسا، كۇزدە ەندى كومىردىڭ ەمەس… گازدىڭ شايىن ىشۋگە تاعى كەلەتىن بولدىق”-دەپ دەپۋتات ەلدى ءبىر كۇلدىردى. قۇربان ايت مەرەكەسى قارساڭىندا قارتتتاردىڭ جاعدايىن سۇراپ، قۇتتىقتاپ، ماسەلەنىڭ ءمانىسىن، ورىندالۋىن ءوز كوزىمەن كورۋ ءۇشىن كەلگەنىن جەتكىزدى. مەكەمە ديرەكتورى شاربات شىرىنبەكوۆانى «اق جول» قدپ توراعاسى ا. پەرۋاشەۆتىڭ اتىنان ارنايى «ديپلوممەن»، ال مامبەت قۇرمانباەۆتى «العىس حاتىمەن» ماراپاتتادى.

كەزدەسۋ بارىسىندا قاريالار مەن مۇگەدەكتەر وزدەرىن مازالايتىن سۇراقتار قويىپ، ءتيىستى جاۋاپتارىن الدى.

ەڭ ءبىرىنشى سويلەگەن مەكەمە تۇرعىنى، ۇلتى ورىس رۋسلان رومانوۆ قازاق تىلىندە سويلەگەن دەپۋتات قازىبەك يسانىڭ مەملەكەتتتىك ءتىل ماسەلەسىن كوتەرىپ جۇرگەنىنە راحمەت ايتىپ، قولداۋ ءبىلدىردى. مەملەكەتتىك ءتىل ماسەلەسى الدەقاشان شەشىلەتىن ۋاقىت بولعانىن ايتتى.

رۋسلان رومانوۆتىڭ قازاقشا مايىن تامىزىپ سويلەگەنىنە ريزا بولعان دەپۋتات قازىبەك يسا:

-مىنە، مەملەكەتتىك ءتىل ماسەلەسىن شەشۋ تۋرالى وسىندا وتىرعان سىزدەردىڭ وسىنداي ويلارىڭىز بەن ءبىزدى قولداۋلارىڭىزعا كوپ راحمەت، بۇل بىزگە قۋات بەرەدى. ال وسىنداي وي وتىز جىلدان بەرى جوعارىدا وتىرعان ءبىزدىڭ بيلىكتەگى شەتتەرىنەن ششەتەل تىلىندە سويلەيتىن شەنەۋنىكتەرىمىزگە جەتپەي جاتىر ءالى. قازاقشا وسىلاي قاتىرىپ سويلەپ، ۇلگى بولا بەرىڭىز، ءبىزدىڭ مەملەكەتتىك تىلدە بىلمەسە دە، مەملەكەت قىزمەتىندە جۇرگەن مينيسترلەر مەن اكىمدەرگە!”-دەپ قاتتى ريزالىعىن ءبىلدىردى.

ءبىر جاقسىسى بۇل مەكەمەدەگى وزگە ۇلت وكىلدەرىنىڭ كوبىسى مەملەكەتتىك تىلدە سويلەيدى ەكەن!

ودان كەيىن سويلەگەندەر دە وزدەرىنىڭ زەينەتاقىلارىنىڭ 70 پايىزى مەكەمەدە قالاتىنىن، سونى 50 پايىزعا ءتۇسىرۋىن، ايەلدەردىڭ زەينەتاقى جاسىن 58-گە ءتۇسىرۋىن، مۇگەدەكتەرگە بەرىلەر ءدارى-دارمەك پەن كولىك ماسەلەسىنىڭ شەشىلۋى سەكىلدى ماسەلەلەردى سۇرادى.

دەپۋتات بۇل الەۋمەتتىك ماسەلەلەردىڭ “اق جول” فراكتسياسىندا قارالىپ، ۇكىمەتكە جىبەرىلەتىنىن ايتتى.

جيىن سوڭىندا ءشاربات شىرىنبەكوۆا قازىبەك يساعا قارتتار مەن مۇگەدەكتەر ءۇيى اتىنان العىستارى رەتىندە مەكەمەنىڭ تۇرعىنى ۆاسيلي ۆارناكوۆ اتتى قارت سۋرەتشىنىڭ مايلى بوياۋمەن سالعان پرەزيدەنتىمىز ق.توقاەۆتىڭ پورترەتىن سىيعا تارتتى. رازىلىعىن بىلدىرگەن اقىن دەپۋتات سۋرەتشىنىڭ قولىن الىپ، پورترەت ونەر شىعارماسى رەتىندە جاقسى سالىنعانىن، ويتكەنى ءوزىنىڭ دە ماماندىعى سۋرەتشى ەكەنىن، قازپي-ءدىڭ كوركەمسۋرەت-گرافيكا فاكۋلتەتىن بىتىرگەنىن ايتتى.

بۇدان باسقا حالىق قالاۋلىسى “اق جول” پارتياسى شىمكەنت قالاسى فيليالى توراعاسى ءالىمحان ءابجانوۆ جانە پارتيا بەلسەندىلەرىمەن بىرگە «قارتتار ءۇيىن» ارالاپ، ولاردىڭ تۇرمىس-تىرشىلىگىمەن تانىسىپ، وڭ باعا بەردى. قاريالار وعان قايتا-قايتا اق باتالارىن بەرىپ، ريزاشىلىقتارىن ءبىلدىردى : «ءبىزدىڭ مەكەمەگە دە قر پارلامەنتى ءماجىلىسىنىڭ دەپۋتاتى كەلەدى ەكەن-اۋ»-دەپ تاڭ قالىپ، اق جول تىلەپ شىعارىپ سالدى.

“ادىرنا” ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket