بۇگىن الماتىداعى زيالى قاۋىم وكىلدەرى قر پرەمەر-ءمينيسترىنىڭ ورىنباسارى ەرالى لۇقپانۇلى توعجانوۆپەن كەزدەسىپ، كوكەيدەگى سۇراقتارىمىزدى قويىپ، جاۋاپتارىن دا الدىق.
ميكروفون العانىمدا تاريحتان بىلەتىن حاندىقتاعى بيلەر كەڭەسى مەملەكەتتىڭ ساياسي-قۇقىقتىق، اسكەري-ديپلوماتيالىق، الەۋمەتتىك-ەكونوميكالىق جاعدايىن تەك ادەتتەگى قۇقىقپەن عانا ەمەس، ەلدىڭ رۋحاني-مادەني سالت-داستۇرىمەن ۇشتاستىرا وتىرىپ قامتاماسىز ەتكەنىن، «قاسىم حاننىڭ قاسقا جولى»، «ەسىم حاننىڭ ەسكى جولى»، «ءاز تاۋكەنىڭ جەتى جارعىسى» زاڭدار جيناعىنداعى نەگىزگى قاعيدالار مەن نورمالاردى تولىق مەڭگەرىپ قانا قويماي، ەل-جۇرتىنىڭ ادەت-عۇرپىن، شەجىرەسىن، تاريحىن، كەمەل پىكىرلەرىن شەشەن تىلمەن جەتكىزە الاتىن دارا جاندار بولعانىن ايتا كەلە، ءبارىمىز ءبىر ءتىل اياسىندا ويلانعان كەزدە باسقا دا كوپتەگەن ماسەلە شەشىلەتىنىن جانە ت.ب. ويلارىمدى ورتاعا سالدىم.
بار بولايىق، باي بولايىق (رۋحاني جاعىنان دا، ماتەريالدىق جاعىنان دا).
ەرجان جۇمابەكۇلى
اقىن، قازاقستان جازۋشىلار وداعىنىڭ مۇشەسى
