شىمكەنت قالاسى ءماسليحاتىنىڭ سەسسياسىندا قالالىق اكىمدىك پەن ءماسليحاتتىڭ جاڭا اۋداننىڭ تەرريتورياسىن بەلگىلەۋ جونىندە بىرلەسكەن شەشىمى قابىلداندى.
جاڭا اۋدان قالاداعى بەسىنشى اۋدان بولماق.
شىمكەنت قالاسى - ەلىمىزدەگى ءۇش مەگاپوليستىڭ ءبىرى. قالا اۋماعى الماتى (682 كم²) جانە نۇر-سۇلتان (797,33 كم²) قالالارىنان ۇلكەن - 1 170 كم². بەسىنشى اۋداندى قۇرۋ قاجەتتىلىگى قالا تەرريتورياسىن ودان ءارى دامىتۋ مەن سانى كۇن ساناپ ءوسىپ كەلە جاتقان قالا حالقىنا ساپالى قىزمەت كورسەتۋدەن تۋىنداپ وتىر.
شىمكەنت قالاسىنىڭ اكىمى مۇرات ايتەنوۆ جوعارىداعى قاجەتتىلىكتەرگە سايكەس بەسىنشى اۋدان اشۋ جونىندە ۇسىنىس ەنگىزگەن بولاتىن. ورتالىق مەملەكەتتىك ورگاندار تاراپىنان ۇسىنىس قولداۋ تاۋىپ، ءبىر جىلعا جۋىق جۇمىستىڭ ناتيجەسىندە جاڭا اۋداننىڭ تەرريتورياسى بەلگىلەندى. جاڭا اۋدان ءوز قىزمەتىنە كىرىسكەنشە ءالى بىرنەشە پروتسەدۋرالىق جۇمىستار بار.
جاڭا اۋدان قۇتتى بولسىن!
ەۋروپانىڭ بىرنەشە ەلى سيىپ كەتەتىن قازاقستانىمىزدا وبلىستار، قالالار، اۋداندار جابىلماسىن، تەك قانا وسىلاي اشىلا بەرسىن!
شىڭعىس مۇقان Facebook پاراقشاسىنان
