رەسەي اتىنان ونەر كورسەتكەن رىباكينا نەلىكتەن قازاقستان ازاماتتىعىن الدى؟

2820
Adyrna.kz Telegram

بۇرىن رەسەيدىڭ اتىنان ونەر كورسەتكەن قازاقستاندىق تەننيسشى ەلەنا رىباكينا نەلىكتەن ازاماتتىعىن وزگەرتكەنىن ءتۇسىندىردى، دەپ حابارلايدى Sportmail.com باسىلىمى.

سپورتشى ماسكەۋدە دۇنيەگە كەلگەن، بىراق 2018 جىلى سپورتتىق ازاماتتىعىن وزگەرتۋ ءۇشىن ءوتىنىش بەرىپ، قازاقستان اتىنان ونەر كورسەتە باستاعان.

«قازاقستاندا ماعان كوپ كومەكتەستى. مەن ادامداردىڭ قولداۋىن سەزىنەمىن جانە قازاقستان ءۇشىن قۋانا-قۋانا ونەر كورسەتەمىن. مەنىڭ ويىمشا، مەنىڭ ناتيجەلەرىم قازاقستانداعى سپورتقا كومەكتەسەدى. ول جاقتا ماعان سەنىم ارتىپ، ويناپ جانە دامۋىم ءۇشىن بارلىعىن جاسادى. جاتتىعۋ ءۇشىن بارلىق مۇمكىندىكتەردى بەردى. ارينە، بۇل ماعان ۇلكەن كومەگىن تيگىزدى»، – دەدى تەننيسشى.

قازىر رىباكينا ۋيمبلدوندا ويناپ جاتىر. ول رۋمىنيا وكىلى سيمونا حالەپتى جەڭىپ، فينالدىق كەزەڭگە شىقتى.

“ادىرنا” ۇلتتىق پورتالى

پىكىرلەر