الماتى وبلىسى ىلە اۋدانىندا الكوگول ونىمدەرىن قولدان زاڭسىز دايىنداپ كەلگەن جاسىرىن تسەح تابىلدى. بۇل تۋرالى قارجى مونيتورينگى اگەنتتىگى مالىمدەدى، دەپ حابارلايدى “ادىرنا” ۇلتتىق پورتالى.
قارجى مونيتورينگى اگەنتتىگى مالىمەتىنشە، اۋماقتىق دەپارتامەنت قىزمەتكەرلەرى جەدەل-ىزدەستىرۋ شارالارى بارىسىندا قولدان جاسالعان ەسەپكە الۋ-باقىلاۋ تاڭبالارى بار سۋرروگات الكوگول ءونىمىن وندىرگەن جاسىرىن تسەحتى جويعان.
انىقتالعانداي، ىلە اۋدانىنىڭ تۇرعىنى جەر ءۇيدىڭ اۋماعىنداعى ءۇي-جايدا انتيسانيتاريالىق جاعدايدا قولدان الكوگول ونىمدەرىن زاڭسىز دايىنداعان.
وقيعا ورنىن تەكسەرۋ بارىسىندا ەسەپكە الۋ باقىلاۋ ماركالارى، الكوگول ءونىمى، سپيرت جانە الكوگول ونىمدەرىن قۇيۋعا جانە دايىنداۋعا ارنالعان ءتۇرلى زاتتار تاركىلەندى. سوتقا دەيىنگى تەرگەۋ باستالدى.
قىلمىستىق-پروتسەسستىك كودەكستىڭ 201-بابىنا سايكەس وزگە مالىمەتتەر جاريا ەتىلمەيدى.
“ادىرنا” ۇلتتىق پورتالى
ۇقساس جاڭالىقتار
