مەملەكەت باسشىسى ەۋروپا وداعىنىڭ پرەزيدەنتى شارل ميشەلمەن كەلىسسوزدەر بارىسىندا ەو-نى باستى سەرىكتەس دەپ اتاپ، ساۋدا اينالىمىن ارتتىرۋ جايىن تالقىلادى. وسىلايشا، توقاەۆ ءىس جۇزىندە رەسەيمەن بىرگە «باتىسقا قارسى ەكونوميكالىق سوعىسقا» قاتىسۋدان تاعى دا باس تارتتى، دەپ جازادى "ادىرنا" ۇلتتىق پورتالى.
توقاەۆ ەۋروپا وداعىنىڭ پرەزيدەنتىمەن وڭىردەگى جاعدايدى جانە ازىق-تۇلىك داعدارىسىنىڭ كۇردەلەنە تۇسكەنىن تالقىلادى.
"قاسىم-جومارت توقاەۆ قازاقستاننىڭ ەڭ ءىرى ساۋدا سەرىكتەسى سانالاتىن ەۋروپا وداعىمەن ورنىقتى بايلانىستى دامىتۋعا بەيىلدى ەكەنىنە نازار اۋداردى",- دەلىنگەن رەسمي حابارلامادا.
پرەزيدەنت سونداي-اق حالىقارالىق احۋالدى جاقسارتۋ، ەڭ وزەكتى دەگەن ماسەلەلەر بويىنشا سەنىمدى ديالوگ ورناتۋ ءۇشىن كۇش بىرىكتىرۋدىڭ ماڭىزدى ەكەنىن مالىمدەدى.
"بۇدان بولەك قاسىم-جومارت توقاەۆ ەۋروپا وداعىن بالاما ترانسقۇرلىقتىق دالىزدەردى، سونىڭ ىشىندە ترانسكاسپي حالىقارالىق كولىك باعىتىن دامىتۋ ىسىندە ىنتىماقتاستىق ورناتۋعا شاقىردى. پرەزيدەنت الەمدەگى ەنەرگەتيكالىق قاۋىپسىزدىككە تونەتىن قاتەرگە الاڭدايتىنىن جەتكىزدى. ونىڭ ايتۋىنشا، قازاقستان الەم جانە ەۋروپا نارىعىنداعى احۋالدى تۇراقتاندىرۋ ءۇشىن ءوزىنىڭ كومىرسۋتەگى الەۋەتىن پايدالانۋعا دايىن", - دەلىنگەن اقوردانىڭ ءباسپاسوز حابارلاماسىندا.
"ادىرنا" ۇلتتىق پورتالى
