Memleket basshysy Eýropa odaǵynyń prezıdenti Sharl Mıshelmen kelissózder barysynda EO-ny basty seriktes dep atap, saýda aınalymyn arttyrý jaıyn talqylady. Osylaısha, Toqaev is júzinde Reseımen birge «Batysqa qarsy ekonomıkalyq soǵysqa» qatysýdan taǵy da bas tartty, dep jazady "Adyrna" ulttyq portaly.
Toqaev Eýropa odaǵynyń prezıdentimen óńirdegi jaǵdaıdy jáne azyq-túlik daǵdarysynyń kúrdelene túskenin talqylady.
"Qasym-Jomart Toqaev Qazaqstannyń eń iri saýda seriktesi sanalatyn Eýropa odaǵymen ornyqty baılanysty damytýǵa beıildi ekenine nazar aýdardy",- delingen resmı habarlamada.
Prezıdent sondaı-aq halyqaralyq ahýaldy jaqsartý, eń ózekti degen máseleler boıynsha senimdi dıalog ornatý úshin kúsh biriktirýdiń mańyzdy ekenin málimdedi.
"Budan bólek Qasym-Jomart Toqaev Eýropa odaǵyn balama transqurlyqtyq dálizderdi, sonyń ishinde Transkaspıı halyqaralyq kólik baǵytyn damytý isinde yntymaqtastyq ornatýǵa shaqyrdy. Prezıdent álemdegi energetıkalyq qaýipsizdikke tónetin qaterge alańdaıtynyn jetkizdi. Onyń aıtýynsha, Qazaqstan álem jáne Eýropa naryǵyndaǵy ahýaldy turaqtandyrý úshin óziniń kómirsýtegi áleýetin paıdalanýǵa daıyn", - delingen Aqordanyń baspasóz habarlamasynda.
"Adyrna" ulttyq portaly
