ءبىر تاۋلىككە جۋىق جارىلىستار ورىن الىپ مەن وق اتىلعان نۇكىستە بۇگىن تىنىشتىق. اۋرۋحانالاردا جارالانعاندار كوپ. ادامدار قازا تاپقاندار مەن ۇستالعانداردىڭ اراسىنان تۋىستارىن ىزدەۋدە. كوشەلەردە جانىپ جاتقان دوڭگەلەكتەر مەن قان ىزدەرى كورىنەدى. ەرتەڭ ولار كولىك جولدارىن اشىپ، بازارلاردىڭ جۇمىس ىستەۋىنە رۇقستار بەرەمىز دەپ ۋادە بەرەدى. شۋحرات لاتيپوۆتىڭ فوتورەپورتاجىنان سۋرەتتەر.
قاراقالپاقستاننىڭ استاناسى نۇكىس قالاسىندا 1 شىلدە كۇنى تۇستەن كەيىن بەلسەندى داۋلەتمۇرات ءتاجىمۇراتوۆ ۇستالعان سوڭ جاپپاي شەرۋ ءوتتى. ونىڭ الدىندا رەسپۋبليكا تۇرعىندارىنىڭ وزبەكستان كونستيتۋتسياسىنا قاراقالپاقستاننىڭ ەگەمەندىك مارتەبەسىنە قاتىستى وزگەرتۋلەر ەنگىزۋگە قارسى بىرنەشە كۇندىك جەكە جانە ۇجىمدىق نارازىلىقتارى ءوتتى.
وسى كۇندەرى وبلىستا ءموبيلدى ينتەرنەت، كەيىن ستاتسيونارلىق ينتەرنەت شەكتەلدى. قاراقالپاقستان مەن وزبەكستان بيلىگى بۇل وقيعاعا قاتىستى پىكىر بىلدىرمەدى جانە 1 شىلدە كۇنى كەشكە دەيىن تۇرعىنداردىڭ سوزىنە كوپشىلىك الدىندا جاۋاپ بەرمەدى.
قاراقالپاقستان پارلامەنتىنىڭ باسشىسى مۇرات كامالوۆ نارازىلىق بىلدىرۋشىلەر الدىنا شىعىپ، بوساتىلدى دەپ حابارلانعان داۋلەتمۇرات تاجىمۇراتوۆپەن بىرگە كولىگىنە ءمىنىپ، جينالعان جۇرتشىلىققا ءسوز سويلەگەندە، جاعداي تىنىشتالعانداي بولدى. ادامدار تاراي باستادى – «ايتقانىمىزددىڭ ورىندالىپ، ماقساتىمىزعا جەتكەنىمىزگە قۋاندىق»، - دەدى وقيعا ورنىندا بولعان نۇكىس تۇرعىندارى.
[caption id="" align="alignnone" width="680"]
مەديتسينالىق مەكەمەلەردىڭ بىرىندە جارالانعانداردىڭ ءبىرى[/caption]
[caption id="" align="alignnone" width="680"]
جارالانعان ساربازدار اسكەري گوسپيتالدا[/caption]
