اقسۋ اۋدانىندا جاڭا ينۆەستيتسيالىق جوبالار جۇزەگە اسىپ جاتىر

1844
Adyrna.kz Telegram
www.gov.kz
www.gov.kz

اقسۋ اۋدانىندا ىرىمشىك شىعاراتىن زاۋىت، ونى شيكىزاتپەن قامتاماسىز ەتەتىن تاۋارلى ءسۇت فەرمالارى سالىنا باستادى. قىزىلاعاش اۋىلىندا «اگروحولدينگ اقسۋ» جشس شامامەن 5 ملرد. تەڭگە ينۆەستيتسيا قۇيىپ، وسى جوبالاردى قولعا الۋدا. وتكەن جىلدان بەرى 1300 باسقا ارنالعان تاۋارلى ءسۇت فەرماسىن سالۋعا كىرىسىپ، فەرماعا دانيادان 600-دەن استام باس ءىرى قارا اكەلگەن. الدا تاعى ەكىنشى فەرمانىڭ قۇرىلىسىن باستاۋعا نيەتتى. جەرگىلىكتى جۇمىسشىلارعا ارناپ 80 تۇرعىن ءۇي سالۋ مەجەلەنگەن. كەشە اقسۋ اۋدانىنا بارعان ساپارىندا وبلىس اكىمى بەيبىت يساباەۆ وسىنداي باستامالاردىڭ، سۋ شارۋاشىلىعى، قۇرىلىس سالالارىنداعى باسقا دا نىسانداردىڭ جايىمەن تانىسىپ قايتتى، - دەپ حابارلايدى "ادىرنا" ۇلتتىق پورتالى جەتىسۋ وبلىسى اكىمىنىڭ ءباسپاسوز قىزمەتىنە سىلتەمە جاساپ.

قىزىلاعاش اۋىلىنداعى «اگروحولدينگ اقسۋ» جشس-نىڭ ءسۇت فەرماسى مەن ىرىمشىك شىعاراتىن زاۋىت سالۋ، تۇرعىندار ءۇشىن 80 ءۇي سالۋ باستامالارىن بەيبىت يساباەۆ قولدايتىنىن ايتتى. تۇرعىن ۇيگە قاجەتتى ينجەنەرلىك-ينفراقۇرىلىم تارتىلۋىنا كومەك كورسەتۋدى اۋدان اكىمدىگىنە تاپسىردى. ەڭ باستىسى جەرگىلىكتى ازاماتتاردى جۇمىسپەن قامتۋعا كوپ كوڭىل ءبولۋ كەرەكتىگىن ەسكە سالدى.

[caption id="attachment_119806" align="alignnone" width="300"] www.gov.kz[/caption]

اقسۋ وڭىرىندەگى تاعى ءبىر جاقسى جوبا – «اقسۋ گەس» جشس-نىڭ فورەل شارۋاشىلىعى. سەرىكتەستىكتىڭ بالىق شارۋاشىلىعىمەن اينالىسۋدى بىلتىر باستاعان. جوبا بويىنشا مۇندا 170 توننا تاۋارلى بالىق وندىرىلەتىن بولادى. كاسىپكەر ىسكە 515 ملن. تەڭگە جەكە قاراجاتىن سالعان. قازىرگى كەزدە ينكۋباتسيالىق تسەحتىڭ قۇرىلىسى بىتكەن، وعان ەكى ينكۋباتسيالىق اپپارات ساتىپ الىنىپتى. ەلەكتر جەلىسى تارىلعان. كاسىپورىن قازىر توڭازىتقىش قۇرىلعىلارىن پانفيلوۆ اۋدانىندا ورناتقان، تاۋار سول جەردەن العاشقى وڭدەۋدەن وتكىزىلىپ، ەكسپورتقا جونەلتىلەتىن بولادى.

[caption id="attachment_119807" align="alignnone" width="300"] www.gov.kz[/caption]

ۇزاق جىل توقتاپ تۇرعان تۇرعان اقسۋ قانت زاۋىتى ىسكە قوسىلعاننان كەيىن ونىڭ جوبالىق قۋاتى 450 مىڭ توننا قانت قىزىلشاسىن وڭدەۋگە جەتكەن. جۇكتەمەنى قامتۋعا شيكىزات جەتىسپەۋشىلىگى تۋىنداعاندىقتان زاۋىت قامىس قانتىن وڭدەيتىن جەلىسىن ىسكە قوسۋ جۇمىستارىنا كىرىسكەن.

بۇل رەتتە ب. يساباەۆ، قانت قىزىلشاسىنىڭ القابى بىرتە-بىرتە ۇلعايتىلاتىنىن ايتتى:

- ەڭ الدىمەن سۋارمالى سۋدىڭ ماسەلەسىن شەشۋىمىز كەرەك. قازىر سۋارۋ كانالدارىن قايتا جاڭعىرتىپ، قالپىنا كەلتىرىپ جاتىرمىز. قانت قىزىلشاسىن دا، قانت قامىسىن دا قاتار وڭدەيمىز. كوكسۋ قانت زاۋىتى سونىڭ ارقاسىندا جىل بويى ۇزدىكسىز جۇمىس ىستەپ تۇر. وسىنداي جۇيەگە اقسۋ زاۋىتى دا كوشۋى كەرەك. ءوز كەزەگىندە زاۋىت ىرگەلى كاسىپورىن رەتىندە قانت قىزىلشاسىنىڭ ساپاسىن كوتەرۋ ىسىنە بەلسەنە اتسالىسۋى ءتيىس. مەملەكەت قاجەتتى كوم جاساپ وتىر، سوعان لايىق سىزدەر تاراپىنان دا باستامالار بولۋى كەرەك، قىزىلشا ءوسىرۋشى شارۋاشىلىقتارمەن بىرىگىپ جۇمىس ىستەپ، ولارعا جاردەم جاساپ وتىرساڭىزدار، ەكى تاراپقا دا ءتيىمدى بولار ەدى. قازىر القاپتارداعى جۇمىستىڭ باسىم بولىگى قول كۇشىمەن اتقارىلادى، ول – اۋىر ەڭبەك، سوندىقتان ونى مەحانيكالاندىرۋعا نازار اۋدارۋ كەرەك، - دەدى وبلىس اكىمى.

[caption id="attachment_119808" align="alignnone" width="300"] www.gov.kz[/caption]

اۋدانداعى سۋارمالى سۋ جەتىسپەۋشىلىگىن شەشۋگە قىزىلاعاش سۋ قويماسىنىڭ قالپىنا كەلتىرىلگەنى ۇلكەن اسەرىن تيگىزبەك. سۋ قويماسىنىڭ تولىق سىيىمدىلىعى – 42 ملن. م3. مۇندا قازىر نىساننىڭ قاۋىپسىزدىگى مەن شىدامدىلىعىن تەكسەرۋ پروتسەستەرى ءجۇرىپ جاتىر. پلوتينا 7 مىڭعا جۋىق گەكتار جەردى سۋارمالى سۋمەن قامتۋعا كەزەڭ-كەزەڭىمەن كىرىسەتىن بولادى.

اۋداندا يرريگاتسيالىق جۇيەلەردىڭ قۇرىلىسى مەن قايتا جاڭعىرتۋ جۇمىستارى قاتار ءجۇرىپ جاتىر. بۇل 12 مىڭعا جۋىق گەكتار سۋارمالى جەردى اينالىمعا قوسۋعا مۇمكىندىك بەرەدى. قازىرگى كەزدە 15 شاقىرىم جەلى تارتىلعان، تاعى 60 شاقىرىمعا جۇرگىزىلەدى. جالپى اقسۋ، سارقان، الاكول اۋداندارىنداعى يرريگاتسيالىق جەلىلەر مەن سۋ قويمالارىن قالپىنا كەلتىرۋدىڭ ارقاسىندا اينالىمعا 25 مىڭ گەكتاردان استام سۋارمالى جەر قوسىلادى دەپ كۇتىلۋدە.

ساپار بارىسىندا بەيبىت يساباەۆ بىرقاتار الەۋمەتتىك نىسانداردىڭ قۇرىلىس جۇمىستارىنىڭ بارىسىن قارادى. ساعابۇيەن اۋىلىنداعى توقتاروۆ اتىنداعى ورتا مەكتەپتىڭ كۇردەلى جوندەۋى كەستەگە سايكەس قازاننىڭ سوڭىنا دەيىن اياقتالۋى ءتيىس. وقۋشىلار ەكىنشى توقساندى تۋعان اۋىلىنىڭ جاڭارعان مەكتەبىندە وقيتىن بولادى. ساعاكۇرەس اۋىلىندا شاعىن ورتالىعى بار 120 ورىندى جاڭا مەكتەپ سالىنىپ جاتىر.

پىكىرلەر