جەتىسۋ وبلىسى اكىمىنىڭ ورىنباسارى بولىپ جەڭىس شىلبىنۇلى تۇياقوۆ تاعايىندالدى، دەپ حابارلايدى "ادىرنا" ۇلتتىق پورتادى قازاقپاراتقا سىلتەمە جاساي وتىرىپ. جەڭىس شىلبىنۇلى 1967 جىلى تۋعان. ءبىلىمى جوعارى. الماتى مەملەكەتتىك مەديتسينا ينستيتۋتىن، قر قارجى اكادەمياسىن، «AlmaU» ۋنيۆەرسيتەتىن بىتىرگەن، ىسكەرلىك اكىمشىلىك جۇرگىزۋ دوكتورى. ەڭبەك جولىن كوممەرتسيالىق قۇرىلىمداردا باستادى.
ءار جىلداردا «KEGOC» جانە باسقا دا ۇلتتىق كومپانيالاردا باسقارۋشى ديرەكتور بولدى. قازاقستان رەسپۋبليكاسى ەنەرگەتيكا، يندۋستريا جانە ساۋدا مينيسترلىگىندە دەپارتامەنت ديرەكتورى، تالدىقورعان قالاسىندا «تاتەك» اق پرەزيدەنتى، جامبىل جانە پاۆلودار وبلىستارىنىڭ ەنەرگەتيكا جانە تۇكش باسقارمالارىنىڭ باستىعى، قازاقستان رەسپۋبليكاسى پرەمەر-ءمينيسترى كەڭسەسىنىڭ وڭىرلىك دامۋ ءبولىمى مەڭگەرۋشىسىنىڭ مىندەتىن اتقارۋشى لاۋازىمدارىندا بولدى. 2017 جىلدىڭ شىلدەسىنەن بەرى الماتى وبلىسى اكىمىنىڭ ورىنباسارى قىزمەتىن اتقاردى.
