سەنات دەپۋتاتى ەلوردا كۇنىن تويلاۋ قايتا قارالۋى مۇمكىن ەكەنىن ايتتى

1815
Adyrna.kz Telegram
فوتو: sputnik.kz
فوتو: sputnik.kz

سەنات دەپۋتاتى اقمارال ءالنازاروۆا ەلوردا كۇنىن تويلاۋدى قايتا قاراۋ مۇمكىندىگى بار ەكەنىن ايتتى. قازىرگى تاڭدا بۇل مەرەكە 6 شىلدە كۇنى تويلانىپ ءجۇر، دەپ حابارلايدى "ادىرنا" ۇلتتىق پورتالى "orda.kz"-كە سىلتەمە جاساپ.

«ەلوردا كۇنى قاجەت. نەگە ونى قايتا قاراستىرماسقا؟ بۇل بولاشاقتىڭ ءىسى – ونى كەيبىر تاريحي داتالارعا تىكەلەي بايلانىستىرۋ كەرەك» — دەدى ءالنازاروۆا.

سونداي-اق، دەپۋتات تۇڭعىش پرەزيدەنت كۇنىن مەرەكەلەۋ ماسەلەسى دە قاراستىرىلاتىنىن اتاپ ءوتتى.

«بۇل ماسەلە شەشىلەدى. مەرەكە قايتا فورماتتالۋى مۇمكىن. بىراق جالپى العاندا، ءيا، بۇرىنداعى اۆتوريتارلىق تەتىكتەر ماڭىزدىلىعىن جويدى» — دەدى اقمارال ءالنازاروۆا.

ءوز كەزەگىندە ءماجىلىس دەپۋتاتى ەرلان سمايىلوۆ ەلوردانىڭ اتىن وزگەرتۋ مۇمكىندىگىنە قاتىستى پىكىر ءبىلدىردى.

«نەگە جوعارىدان بىرەۋ كەلىپ، بىردەڭەنى وزگەرتۋى كەرەك دەپ كۇتەمىز. قوعام – ازاماتتىق قوعام. ول ءوزىن ءتۇرلى پلاتفورمالار ارقىلى باستاۋ كەرەك، وسى نارسەلەردى جەتكىزۋ كەرەك. قوعامدى الاڭداتىپ وتىرعان ماسەلە بار، ونى كوتەرۋ، تالقىلاۋ كەرەك. ەگەر قوعام تاراپىنان سۇرانىس بولسا، سوعان جاۋاپ بەرەمىز» — دەدى ول.

 

"ادىرنا" ۇلتتىق پورتالى

پىكىرلەر