Senat depýtaty Aqmaral Álnazarova Elorda kúnin toılaýdy qaıta qaraý múmkindigi bar ekenin aıtty. Qazirgi tańda bul mereke 6 shilde kúni toılanyp júr, dep habarlaıdy "Adyrna" ulttyq portaly "orda.kz"-ke silteme jasap.
«Elorda kúni qajet. Nege ony qaıta qarastyrmasqa? Bul bolashaqtyń isi – ony keıbir tarıhı datalarǵa tikeleı baılanystyrý kerek» — dedi Álnazarova.
Sondaı-aq, depýtat Tuńǵysh Prezıdent kúnin merekeleý máselesi de qarastyrylatynyn atap ótti.
«Bul másele sheshiledi. Mereke qaıta formattalýy múmkin. Biraq jalpy alǵanda, ıá, buryndaǵy avtorıtarlyq tetikter mańyzdylyǵyn joıdy» — dedi Aqmaral Álnazarova.
Óz kezeginde Májilis depýtaty Erlan Smaıylov elordanyń atyn ózgertý múmkindigine qatysty pikir bildirdi.
«Nege joǵarydan bireý kelip, birdeńeni ózgertýi kerek dep kútemiz. Qoǵam – azamattyq qoǵam. Ol ózin túrli platformalar arqyly bastaý kerek, osy nárselerdi jetkizý kerek. Qoǵamdy alańdatyp otyrǵan másele bar, ony kóterý, talqylaý kerek. Eger qoǵam tarapynan suranys bolsa, soǵan jaýap beremiz» — dedi ol.
"Adyrna" ulttyq portaly
