اتىراۋ وبلىسىندا زاڭسىز جولمەن پايدا تاپقان "ازيا تەگ" جانە "ەۆرو-ازيا تەمپ" جشس ديرەكتورىنا قاتىستى تەرگەۋ اياقتالدى، دەپ حابارلايدى "ادىرنا" ۇلتتىق پورتالى.
قارجى مونيتورينگى اگەنتتىگى مالىمەتىنە سۇيەنسەك، اتالعان سەرىكتەستىكتەردىڭ باسشىسى 2021 جىلى جىلىوي اۋدانىنىڭ اۋماعىنان قۇجاتتارسىز 3 مىڭ توننا ديزەل وتىنىن ساتىپ الىپ، ونى ماڭعىستاۋ وبلىسىنا تاسىمالداپ، بارلىعى 796,5 ميلليون تەڭگەگە وتكىزىپ، زاڭسىز پايدا تاپقان.
"سونداي-اق ول "ەۆرو-ازيا تەمپ" جشس-ءنىڭ ديرەكتورى بولا تۇرا، 2021 جىلى جىلىوي اۋدانىنىڭ اۋماعىنان قۇجاتتارسىز 3 مىڭعا جۋىق توننا ديزەل وتىنىن ساتىپ الىپ، ونى ماڭعىستاۋ وبلىسىنا تاسىمالداپ، بارلىعى 990 ميلليون تەڭگەگە وتكىزىپ، زاڭسىز پايدا تۇسىرگەن", - دەلىنگەن حابارلامادا.
سوت ۇكىمى بويىنشا، سەرىكتەستىك باسشىسى كىنالى دەپ تانىلىپ، ءۇش جىلعا باس بوستاندىعىنان ايىرۋ جازاسى تاعايىندالعان.
"راقىمشىلىق جاساۋ تۋرالى" قر زاڭى نەگىزىندە ءۇش جىل مەرزىمگە باس بوستاندىعىنان ايىرۋ جازاسى ۇشتەن ءبىر بولىگىنە قىسقارتىلىپ، تۇپكىلىكتى ەكى جىل مەرزىمگە باس بوستاندىعىنان ايىرۋ جازاسى تاعايىندالعان.
"ادىرنا" ۇلتتىق پورتالى.
