الماتىداعى قازاقستان-رەسەي مەديتسينا ۋنيۆەرسيتەتىنىڭ جالپى مەديتسينا فاكۋلتەتىنىڭ 5-كۋرس ستۋدەنتى ءوز-وزىنە قول سالدى، دەپ حابارلايدى "ادىرنا" ۇلتتىق پورتالى "Orda.kz"-كە سىلتەمە جاساپ.
ستۋدەنت اقىلى بولىمدە وقىعان. ول ەمتيحاندا تومەن بال الىپ قالعان. باسقا ستۋدەنتتەر ونىڭ ورتا ەسەپپەن 57 بال جيناعانىن ايتتى.
ۋنيۆەرسيتەت اقپاراتتى راستادى. بىراق تەرگەۋ قۇپياسىن العا تارتىپ، قايعىلى وقيعانىڭ ءمان-جايىمەن بولىسۋدەن باس تارتتى. پوليتسەيلەر ازىرگە ەشقانداي اقپارات ۇسىنبادى.
ەسكە سالساق، ماۋسىم ايىنىڭ ورتاسىندا اقتوبە وبلىسىندا بولاشاق دارىگەرلەردى مەملەكەتتىك ساراپتامادان وتكىزۋ توڭىرەگىندە جانجال شىققان بولاتىن. مەديتسينا فاكۋلتەتىنىڭ ستۋدەنتتەرى تەست ناتيجەلەرىنە نارازىلىق بىلدىرگەن.
400 ينتەرن شەكتى بالدان ءسال جوعارى بال جيناعان. ستۋدەنتتەر ءوز بىلىمدەرىنە سەنىمدى. بىراق تومەن باعاعا بايلانىستى ولاردىڭ ەشقايسىسى رەزيدەنتۋراعا تۇسە المادى.
"ادىرنا" ۇلتتىق پورتالى
