پارلامەنتتە 78 زاڭ قابىلداندى

2472
Adyrna.kz Telegram

پارلامەنتتىڭ ءىى سەسسياسىندا دەپۋتاتتار ۇكىمەتپەن بىرلەسىپ، 78 زاڭ قابىلدادى. بۇل تۋرالى بۇگىن سەنات توراعاسى ماۋلەن اشىمباەۆ مالىمدەدى، دەپ حابارلايدى «ادىرنا» ءتىلشىسى «حابار 24»-كە سىلتەمە جاساپ.

ايتۋىنشا، زاڭ شىعارۋ پروتسەسىندە ادام قۇقىقتارىن قورعاۋ مەن حالىقتىڭ الەۋمەتتىك جاعدايىن جاقسارتۋعا ەرەكشە باسىمدىق بەرىلدى. سونداي-اق مەملەكەتتىك باسقارۋ جۇيەسىن جەتىلدىرۋگە دە نازار اۋدارىلدى. 18 زاڭعا سەناتورلاردىڭ وزدەرى باستاماشى بولدى. دەپۋتاتتار تەك وتىرىس زالىندا عانا ەمەس، سىرتتا دا ەداۋىر جۇمىس اتقاردى. ماسەلەن، وڭىرلەردە تۇرعىندارمەن 500-دەن استام كەزدەسۋ ءوتتى.

«ۇكىمەتكە 140 ساۋال جولداعان سەناتورلار مەملەكەت باسشىسى العا قويعان ماقسات-مىندەتتەردى ورىنداۋعا بارىنشا اتسالىستى. سەسسيا بارىسىندا ازاماتتاردىڭ ءال-اۋقاتىن ارتتىرۋعا ارنالعان كەشەندى ءىس-شارالار مەن قوعامدىق ساياسي باستامالاردى زاڭنامالىق تۇرعىدان قامتاماسىز ەتۋگە باسا ءمان بەرىلدى. قوعامداعى الەۋمەتتىك تەڭسىزدىكتى جويۋعا، ەرەكشە قاجەتتىلىگى بار ازاماتتاردى جان-جاقتى قولداۋعا ارنالعان نورمالار دا قابىلداندى. وسىعان وراي سەناتورلار مەملەكەت باسشىسىنىڭ تاپسىرمالارىن ورىنداۋ ماقساتىمەن زاڭعا باستاماشىلىق ەتۋ قۇقىعىن كەڭىنەن پايدالاندى. ءبىرىنشى سەسسيادا سەنات دەپۋتاتتارى 7 زاڭعا باستاماشى بولسا، بۇل سەسسيا بويىنشا 18 زاڭعا باستاماشىلدىق جاسادى»،— دەدى ول.

پىكىرلەر