الماتى پروكۋراتۋراسى بالالاردى ساتۋ تۋرالى حابارلاندىرۋلار ورنالاستىرىلعان شەتەلدىك ينتەرنەت سايتىن انىقتادى، دەپ حابارلايدى «ادىرنا» ءتىلشىسى.
جاڭا تۋعان بالالارىنان باس تارتقىسى كەلەتىن ايەلدەر سابيلەرىن ۋاكىلەتتى ورگاندار مەن سوتتىڭ ءتيىستى شەشىمىنسىز بەيتانىس ادامدارعا ساتقىسى كەلگەن.
سونىمەن قاتار سايتتا بالالاردى زاڭسىز جولمەن اسىراپ العىسى كەلەتىن ادامداردىڭ جاپپاي حابارلاندىرۋلارى بار ەكەنى انىقتالدى.
«الاتاۋ اۋدانىنىڭ پروكۋرورى سوتقا سايتتى زاڭسىز دەپ تانۋ جانە ونىڭ قازاقستان اۋماعىنداعى قىزمەتىن توقتاتۋ تۋرالى وتىنىشپەن جۇگىندى. سوت قاداعالاۋ ورگانىنىڭ ءوتىنىشىن قاناعاتتاندىردى. ماتەريالدار قر قك-ءنىڭ 128-بابىندا كوزدەلگەن قىلمىستى جاساۋ، ياعني ادام ساۋداسى مانىنە تەكسەرۋ جۇرگىزۋ ءۇشىن قۇقىق قورعاۋ ورگاندارىنا جىبەرىلدى. اتالعان قىلمىستىق قۇقىق بۇزۋشىلىق ءۇشىن مۇلكى تاركىلەنىپ، 15 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا كوزدەلگەن»،— دەلىنگەن حابارلامادا.
