رينات ريفحاتۇلى زايتوۆتىڭ باسشىلىعىنداعى «الاتاۋ» ءداستۇرلى ونەر تەاترى ءتول ونەرىمىزدىڭ ورنىن ايشىقتاي ءتۇسۋ، قاناتىن كەڭگە جايۋ ماقساتىندا 2022 جىلدىڭ 11-27 ماۋسىم ارالىعىندا «اگۋگاي مەن يگيگاي» اتتى حالىق ەرتەگىلەرى مەن ءداستۇرلى اندەردەن قۇرالعان بالالارعا ارنالعان مۋزىكالىق قويىلىم (2022 – بالالار جىلى اياسىندا), «التىباقان» ويىن-ساۋىق ءان كەشى، «اسەم اۋەن مەن كوركەم قيمىل» اتتى سازدى بي كەشى، ايتىسكەر اقىن رينات زايتوۆتىڭ «مەن سەندەردى جاقسى كورەمىن، ادامدار» اتتى مۋزىكالىق كەشى، سونداي-اق «ايمان-شولپان» مۋزىكالىق كومەدياسىمەن (پرەمەرا) نۇر-سۇلتان، پاۆلودار، ەكىباستۇز، سەمەي، اباي جانە اياگوزگە گاسترولدىك ساپارمەن بارۋدى جوسپارلاعان بولاتىن. بۇل ساپاردىڭ تەاتر ءۇشىن تۇڭعىش رەت ەكەنىن ايتا كەتكەن ءجون. تەاتردىڭ كوركەمدىك جەتەكشىسى – جۇلدىزبەك جۇمانباي.
جوعارىدا اتالعان قالا، اۋدانداردا ەل-جۇرت قازاقى داستۇرمەن شاشۋلارىن شاشىپ، ىستىق ىقىلاسپەن قارسى الىپ جاتتى. قر مادەنيەت جانە سپورت ۆيتسە-ءمينيسترى نۇرقيسا داۋەشوۆ، قر پارلامەنتى ءماجىلىسىنىڭ دەپۋتاتى ەرلان سايروۆ، ەكىباستۇز قالاسىنىڭ اكىمى ارداق امانگەلدىۇلى، اياگوز اۋدانىنىڭ اكىمى سەيىلبەك ابۇيىرۇلى، «جاستار» تەاترىنىڭ ديرەكتورى، مەملەكەتتىك سىيلىقتىڭ يەگەرى ءادىل احمەتوۆ، م. گوركي اتىنداعى مەملەكەتتىك اكادەميالىق ورىس دراما تەاترىنىڭ ديرەكتورى ەرنار جۇماتاەۆ، «ا. ي.» تەاترىنىڭ ديرەكتورى، قر ەڭبەك سىڭىرگەن قايراتكەرى، ءانشى، اكتريسا ايگۇل يمانباەۆا، تەاتر جانە كينو اكتەرى، قازاقستاننىڭ ەڭبەك سىڭىرگەن قايراتكەرى داۋرەن سەرعازين، اقىن يرانعايىپ كۇزەمباەۆ جانە ت.ب. تاپتاۋرىندىقتان ادا ەرەكشە فورماعا قۇرىلعان تەاتر كورسەتىلىمدەرىنە جوعارى باعالارىن بەردى. سونىمەن قاتار تەاتر ۇجىمىنا جىلى لەبىزدەرىن ءبىلدىرىپ، العىستارىن ايتتى. باتالارىن بەرگەن ۇلكەندەر دە بولدى.
«ەسكىدە قازاقتىڭ داستۇرىندە اۋىلعا سال-سەرىلەر، ونەرپازدار كەلگەن كەزدە، بازار بايانى بولاتىن. بازار ىشىندە حابار جەتكىزەتىن. ءبىز دە «الاتاۋ» ءداستۇرلى ونەر تەاترىنىڭ اتىنان سول ءداستۇردى جاڭعىرتۋ، ۇلگىسىن كورسەتۋ ماقساتىندا بازاردا بولدىق»، – دەيدى رينات زايتوۆ. بازارلاردا رينات زايتوۆ ارناۋ ايتىپ، تەاتر ونەرپازدارى اندەرىن ارنادى. قاي بازارعا بارسا دا، ارتى سۋرەتكە تۇسۋمەن جالعاسىپ، كىشىگىرىم كونتسەرت اتموسفەراسى سەزىلدى.
سونداي-اق رينات زايتوۆ جانە تەاتر ارتيستەرى ارنالار، باق-نا سۇحباتتارىن بەردى.
قۋانىش جۇمابەكۇلى
«الاتاۋ» ءداستۇرلى ونەر تەاترى ادەبيەت ءبولىمىنىڭ مەڭگەرۋشىسى
