Rınat Rıfhatuly Zaıtovtyń basshylyǵyndaǵy «Alataý» dástúrli óner teatry tól ónerimizdiń ornyn aıshyqtaı túsý, qanatyn keńge jaıý maqsatynda 2022 jyldyń 11-27 maýsym aralyǵynda «Ágýgaı men Igıgaı» atty halyq ertegileri men dástúrli ánderden quralǵan balalarǵa arnalǵan mýzykalyq qoıylym (2022 – Balalar jyly aıasynda), «Altybaqan» oıyn-saýyq án keshi, «Ásem áýen men kórkem qımyl» atty sazdy bı keshi, aıtysker aqyn Rınat Zaıtovtyń «Men senderdi jaqsy kóremin, adamdar» atty mýzykalyq keshi, sondaı-aq «Aıman-Sholpan» mýzykalyq komedııasymen (premera) Nur-Sultan, Pavlodar, Ekibastuz, Semeı, Abaı jáne Aıagózge gastróldik saparmen barýdy josparlaǵan bolatyn. Bul sapardyń Teatr úshin tuńǵysh ret ekenin aıta ketken jón. Teatrdyń kórkemdik jetekshisi – Juldyzbek Jumanbaı.
Joǵaryda atalǵan qala, aýdandarda el-jurt qazaqy dástúrmen shashýlaryn shashyp, ystyq yqylaspen qarsy alyp jatty. QR Mádenıet jáne sport vıe-mınıstri Nurqısa Dáýeshov, QR Parlamenti Májilisiniń depýtaty Erlan Saırov, Ekibastuz qalasynyń ákimi Ardaq Amangeldiuly, Aıagóz aýdanynyń ákimi Seıilbek Abuıyruly, «Jastar» teatrynyń dırektory, Memlekettik syılyqtyń ıegeri Ádil Ahmetov, M. Gorkıı atyndaǵy memlekettik akademııalyq orys drama teatrynyń dırektory Ernar Jumataev, «A. I.» teatrynyń dırektory, QR Eńbek sińirgen qaıratkeri, ánshi, aktrısa Aıgúl Imanbaeva, Teatr jáne kıno akteri, Qazaqstannyń eńbek sińirgen qaıratkeri Dáýren Serǵazın, Aqyn Iranǵaıyp Kúzembaev jáne t.b. taptaýryndyqtan ada erekshe formaǵa qurylǵan teatr kórsetilimderine joǵary baǵalaryn berdi. Sonymen qatar teatr ujymyna jyly lebizderin bildirip, alǵystaryn aıtty. Batalaryn bergen úlkender de boldy.
«Eskide qazaqtyń dástúrinde aýylǵa sal-seriler, ónerpazdar kelgen kezde, bazar baıany bolatyn. Bazar ishinde habar jetkizetin. Biz de «Alataý» dástúrli óner teatrynyń atynan sol dástúrdi jańǵyrtý, úlgisin kórsetý maqsatynda bazarda boldyq», – deıdi Rınat Zaıtov. Bazarlarda Rınat Zaıtov arnaý aıtyp, Teatr ónerpazdary ánderin arnady. Qaı bazarǵa barsa da, arty sýretke túsýmen jalǵasyp, kishigirim konert atmosferasy sezildi.
Sondaı-aq Rınat Zaıtov jáne teatr artısteri arnalar, BAQ-na suhbattaryn berdi.
Qýanysh Jumabekuly
«Alataý» dástúrli óner teatry Ádebıet bóliminiń meńgerýshisi
