قازاقستاندىقتار نۇرسۇلتان نازارباەۆ حالىقارالىق اۋەجايىنىڭ اتاۋىن وزگەرتۋدى ۇسىندى، دەپ حابارلايدى “ادىرنا” ۇلتتىق پورتالى جۋرناليست ماحامبەت ابجانعا سىلتەمە جاساپ.
اۋەجاي اۋدانىندا ورنالاسقان مايبالىق اۋىلىنىڭ تۇرعىندارى اۋەجايعا ەكى مارتە كەڭەس وداعىنىڭ باتىرى تالعات بيگەلدينوۆتىڭ ەسىمىن بەرۋدى سۇراپ وتىر.
9 مامىردا قازاقتىڭ تۇڭعىش عارىشكەرى توقتار اۋباكىروۆ ءدال وسىنداي باستاما كوتەرگەن بولاتىن.
ايتا كەتەيىك، ەلوردا اۋەجايى 1930-1961 جىلدارى "اقمولا", 1961-1992 جىلدارى "تسەلينوگراد", 1992-1998 جىلدارى "اقمولا", 1998-2017 جىلدارى "استانا" دەپ اتالدى. 2017 جىلعى 21 ماۋسىمدا استانا اۋەجايى سول كەزدەگى پرەزيدەنتتىڭ قۇرمەتىنە نۇرسۇلتان نازارباەۆ حالىقارالىق اۋەجايى بولىپ وزگەرتىلدى.
“ادىرنا” ۇلتتىق پورتالى
