كونستيتۋتسياعا پرەزيدەنت وكىلەتتىگىن ۇزارتۋ تۋرالى باپ ەنگىزۋ ۇسىنىلدى

2139
Adyrna.kz Telegram

وزبەكستان ءوز كونستيتۋتسياسىن جاڭارتۋعا دايىندالىپ جاتىر، وعان ءولىم جازاسىن الىپ تاستاۋ جانە پرەزيدەنت وكىلەتتىگىن ۇزارتۋ تۋرالى باپتاردى ەنگىزۋ ۇسىنىلدى. رەسپۋبليكا كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن پارلامەنتتىك "نارودنوە سلوۆو" گازەتى جاريالادى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ. 

"وزبەكستان رەسپۋبليكاسىندا ءولىم جازاسىنا تىيىم سالىنعان", - دەلىنگەن جوبا ماتىنىندە. وزبەكستان كونستيتۋتسياسىنىڭ 24-بابىندا ءومىر ءسۇرۋ ءار ادامنىڭ اجىراماس قۇقىعى ەكەنى جانە ول زاڭ جۇزىندە قورعالاتىنى جازىلعان.

سونىمەن قاتار، وزبەكستان پرەزيدەنتىنىڭ مەرزىمىن 7 جىلعا دەيىن ۇزارتۋ ۇسىنىلدى.

"90-باپتىڭ ەكىنشى بولىگىندەگى "بەس" دەگەن ءسوز "جەتى" دەگەن سوزبەن اۋىستىرىلسىن", - دەلىنگەن قۇجات ماتىنىندە. قولدانىستاعى كونستيتۋتسياعا سايكەس وزبەكستان پرەزيدەنتىن ەل تۇرعىندارى جاسىرىن داۋىس بەرۋ ارقىلى بەس جىل مەرزىمگە سايلايدى.

سونداي-اق ەلدىڭ نەگىزگى زاڭىنا قۇقىق قورعاۋ ورگاندارىنىڭ تۇرعىنداردى قاماۋدا ۇستاۋ مەرزىمىن 48 ساعاتپەن شەكتەۋ تۋرالى تارماق ەنگىزۋ ۇسىنىلىپ وتىر. تاعى ءبىر تارماققا سايكەس، "ۇستاۋ كەزىندە ادامعا ونىڭ قۇقىقتارى مەن قاماۋعا الۋ نەگىزدەرىن تۇسىنىكتى تىلدە ايتىلۋى قاجەت".

4 شىلدەگە دەيىن وزبەكستاندا جوبانى جالپىحالىقتىق تالقىلاۋ ءوتىپ، ودان كەيىن ەل كونستيتۋتسياسىنا وزگەرتۋلەر ەنگىزۋ رەفەرەندۋمدا شەشىلەدى.

“ادىرنا” ۇلتتىق پورتالى

پىكىرلەر