Ózbekstan óz konstıtýııasyn jańartýǵa daıyndalyp jatyr, oǵan ólim jazasyn alyp tastaý jáne prezıdent ókilettigin uzartý týraly baptardy engizý usynyldy. Respýblıka konstıtýııasyna ózgerister men tolyqtyrýlar engizý týraly zań jobasyn parlamenttik "Narodnoe slovo" gazeti jarııalady, - dep habarlaıdy “Adyrna” ulttyq portaly Tengrinews.kz saıtyna silteme jasap.
"Ózbekstan Respýblıkasynda ólim jazasyna tyıym salynǵan", - delingen joba mátininde. Ózbekstan konstıtýııasynyń 24-babynda ómir súrý ár adamnyń ajyramas quqyǵy ekeni jáne ol zań júzinde qorǵalatyny jazylǵan.
Sonymen qatar, Ózbekstan prezıdentiniń merzimin 7 jylǵa deıin uzartý usynyldy.
Sondaı-aq eldiń negizgi zańyna quqyq qorǵaý organdarynyń turǵyndardy qamaýda ustaý merzimin 48 saǵatpen shekteý týraly tarmaq engizý usynylyp otyr. Taǵy bir tarmaqqa sáıkes, "ustaý kezinde adamǵa onyń quqyqtary men qamaýǵa alý negizderin túsinikti tilde aıtylýy qajet".
4 shildege deıin Ózbekstanda jobany jalpyhalyqtyq talqylaý ótip, odan keıin el konstıtýııasyna ózgertýler engizý referendýmda sheshiledi.
“Adyrna” ulttyq portaly
