بىرگە بيزنەس جاساپ، جانجالداسقان تاعى ءبىر كاسىپكەر نۇربول نازارباەۆتى كىنالاپ، تالاپ قويدى، دەپ حابارلايدى “ادىرنا” ۇلتتىق پورتالى Orda.kz سايتىنا سىلتەمە جاساپ.
نۇربول نازارباەۆپەن بولعان جانجالدى وقيعادا ايىپتالۋشىلاردىڭ ءبىرى ء(وزىنىڭ ومىرىنەن قورقىپ) اشىق ۆيدەوروليك جاريالادى. ماكسيم كوستەنكو دا «كۇماندى ىستەرگە» ارالاسىپ، قايراقپاەۆتىڭ سوزدەرىنە اشىق بەينەجازبا ءتۇسىرىپ العان.
وسىدان ەكى اپتادان از ۋاقىت بۇرىن «ساپار اگرو» سەرىكتەستىگىنىڭ بۇرىنعى ديرەكتورى ەرجان قايراقپاەۆ نۇربول نازارباەۆتىڭ قولىنان جاپا شەككەنىن ايتتى. وسىلايشا ول تاعى ەكى ادامدى ايىپتادى. ودان كەيىن شارۋانىڭ سەرىگى مارات نۇرپەيىسوۆ ايعاق كەلتىرىپ، وزىنە تاعىلعان ايىپتى جوققا شىعارماق بولعان.
ەسكە سالايىق، قايراقپاەۆ ءوزىنىڭ ۆيدەوسىندا 2013-2017 جىلدار ارالىعىندا الماتىداعى «التىن وردا» بازارى مەن باسقا دا ءىرى دۇكەندەرگە ەت ونىمدەرىن جەتكىزۋمەن اينالىسقانىن ايتقان. سوسىن بولات نازارباەۆتىڭ ۇلى نۇربول ونىڭ كاسىبىنە قىزىعىپ، ونىڭ سىبايلاستارى مارات نۇرپەيىسوۆ پەن ماكسيم كوستەنكو ەكەۋى شارۋادان 148 باس ءىرى قارا، 452 باس ۇساق مال مەن ءۇش جىلقى الىپ كەتكەن.
قارجىگەر ءارى اۋديتور ماكسيم كوستەنكو قايراقپاەۆتىڭ ۆيدەوسىنا قاتىستى پىكىر ءبىلدىردى. الايدا ول قازىر ءوز ومىرىنە قاۋىپتەنەدى.
— مەنى بوتەننىڭ مۇلكىن يەمدەنۋمەن، رەيدەرلىكپەن اينالىستى دەگەندى ەستىپ، تاڭ قالدىم. بۇل تاڭقالارلىق. مەن اۋىلدا ءوستىم، بىراق مال ۇرلىعىمەن اينالىسسام… تاڭ قالدىم، ايتارعا ءسوزىم جوق،- دەپ ول بەيناجازبادا ءوز ويىمەن ءبولىستى.
ەر ادام كەيىن بىرەۋگە وتە قاجەت بولىپ قالعان جەر تەلىمىن العانىن ايتتى. ول ساتىپ الۋدىڭ نەگىزگى ماقساتى — قايتا ساتۋ نەمەسە اكتيۆتى دامىتۋ ءۇشىن ينۆەستورلار تارتۋ بولعانىن تۇسىندىرەدى.
— بۇل ۋچاسكەنىڭ نەلىكتەن قىزىعۋشىلىق تۋدىراتىنى تۇسىنىكتى – بۇل ءوز ينفراقۇرىلىمى بار ۇلكەن نارىقتىڭ ءبىر بولىگى. ينۆەستورلىق بولاشاعى زور، مەن بىلەمىن. ونىڭ بولاشاعىن مەن عانا ەمەس، «التىن وردا» بازارىنىڭ قازىرگى يەلەرى دە تۇسىنەدى. مەنىڭ دوسىم مارات ارقىلى ماعان اكتيۆتى ارزان باعاعا ساتۋدى ۇسىندى. مەن باس تارتتىم، بىراق ولار ماعان قۇقىق قورعاۋ ورگاندارىنداعى بايلانىستارى ارقىلى قىسىم كورسەتۋ مۇمكىندىكتەرى بار ەكەنىن ايتتى، – دەيدى ماكسيم كوستەنكو.
كوستەنكو ءوز جەرى ءۇشىن سوتقا بەرۋگە جانە كۇرەسۋگە دايىن ەكەنىنە سەندىرەدى. ول ەل باسشىلىعى اينالاسىندا نە بولىپ جاتقانىن جانە بەلگىلى ءبىر ادامداردى قىزىقتىراتىن باسقا دا اكتيۆتەردىڭ بار ەكەنىن بىلمەيدى دەپ سانايدى.
— مەنىڭ ەستۋىمشە، التىن وردا باسقانىڭ قولىنا ءوتتى. بۇل جاعداي مەنىڭ وتباسىمدا بولۋى مۇمكىن. بىردەڭە بولا قالسا، مەنىڭ مۇلكىمدى تالاپ ەتەتىندەر سول ادامدار بولادى. بەينەجازباعا قاراعاندا ار-وجدان دەگەن ءسوز ولاردىڭ ءۇش ۇيىقتاسا – تۇستەرىنە كىرمەيدى. ولار ءۇشىن ەڭ باستىسى اقشا مەن جەكە مۇددە»، – دەپ تۇيىندەدى كوستەنكو.
بىراق كوستەنكو ناقتى ەسىمدەردى اتامادى، قۇجاتتاردى كورسەتپەدى. سونداي-اق قاي ۋچاسكە تۋرالى ايتىپ جاتقانىن ناقتىلامادى. دەگەنمەن، ەر ادام جاعدايدىڭ وزبىرلىقسىز شەشىلەتىنىنە سەنەدى.
