Nurbol Nazarbaevtan zardap shekken taǵy bir kásipker tabyldy

1985
Adyrna.kz Telegram

Birge  bıznes jasap, janjaldasqan taǵy bir kásipker Nurbol Nazarbaevty kinálap,  talap qoıdy, dep habarlaıdy “Adyrna” ulttyq portaly Orda.kz saıtyna silteme jasap. 

Nurbol Nazarbaevpen bolǵan janjaldy oqıǵada aıyptalýshylardyń biri (óziniń ómirinen qorqyp) ashyq vıdeorolık jarııalady. Maksım Kostenko da «kúmándi  isterge» aralasyp, Qaıraqpaevtyń sózderine ashyq beınejazba túsirip alǵan.

Osydan eki aptadan  az ýaqyt buryn «Sapar Agro» seriktestiginiń burynǵy dırektory Erjan Qaıraqpaev Nurbol Nazarbaevtyń qolynan japa shekkenin aıtty. Osylaısha ol taǵy eki adamdy aıyptady. Odan keıin sharýanyń serigi Marat Nurpeıisov aıǵaq keltirip, ózine taǵylǵan aıypty joqqa shyǵarmaq bolǵan.

 

Eske salaıyq, Qaıraqpaev óziniń vıdeosynda 2013-2017 jyldar aralyǵynda Almatydaǵy «Altyn Orda» bazary men basqa da iri dúkenderge et ónimderin jetkizýmen aınalysqanyn aıtqan. Sosyn Bolat Nazarbaevtyń uly Nurbol onyń kásibine qyzyǵyp, onyń sybaılastary Marat Nurpeıisov pen Maksım Kostenko ekeýi sharýadan 148 bas iri qara, 452 bas usaq mal men úsh jylqy alyp ketken.

Qarjyger ári aýdıtor Maksım Kostenko Qaıraqpaevtyń vıdeosyna qatysty pikir bildirdi. Alaıda ol qazir óz ómirine qaýiptenedi.

 — Meni bótenniń múlkin ıemdenýmen, reıderlikpen aınalysty degendi estip, tań qaldym. Bul tańqalarlyq. Men aýylda óstim, biraq mal urlyǵymen aınalyssam… tań qaldym, aıtarǵa sózim joq,-  dep ol beınajazbada óz oıymen bólisti.

Er adam keıin bireýge óte qajet bolyp qalǵan jer telimin alǵanyn aıtty. Ol satyp alýdyń negizgi  maqsaty — qaıta satý nemese aktıvti damytý úshin ınvestorlar  tartý bolǵanyn túsindiredi.

— Bul ýchaskeniń  nelikten qyzyǵýshylyq týdyratyny túsinikti – bul óz ınfraqurylymy bar úlken naryqtyń bir bóligi. Investorlyq  bolashaǵy zor, men bilemin. Onyń bolashaǵyn  men ǵana emes, «Altyn Orda» bazarynyń qazirgi ıeleri de túsinedi. Meniń dosym Marat arqyly maǵan aktıvti arzan baǵaǵa satýdy usyndy. Men bas tarttym, biraq olar maǵan quqyq qorǵaý organdaryndaǵy baılanystary arqyly  qysym kórsetý  múmkindikteri  bar ekenin aıtty, – deıdi  Maksım Kostenko.

Kostenko óz jeri úshin sotqa berýge jáne kúresýge daıyn ekenine sendiredi. Ol el basshylyǵy aınalasynda ne bolyp jatqanyn jáne belgili bir adamdardy qyzyqtyratyn basqa da aktıvterdiń bar ekenin  bilmeıdi dep sanaıdy.

— Meniń estýimshe, Altyn Orda basqanyń qolyna ótti. Bul jaǵdaı  meniń otbasymda bolýy múmkin. Birdeńe bola qalsa, meniń múlkimdi talap etetinder sol adamdar bolady. Beınejazbaǵa qaraǵanda ar-ojdan  degen sóz olardyń úsh uıyqtasa – tústerine kirmeıdi. Olar úshin eń bastysy aqsha men jeke múdde», – dep túıindedi Kostenko.

Biraq Kostenko naqty esimderdi atamady, qujattardy kórsetpedi. Sondaı-aq qaı ýchaske týraly aıtyp jatqanyn naqtylamady.  Degenmen, er adam jaǵdaıdyń ozbyrlyqsyz sheshiletinine senedi.

“Adyrna” ulttyq portaly
Pikirler