ايبار ولجاەۆ ءوز فەيسبۋك پاراقشاسىندا الماتىداعى لاعمانحانالاردىڭ بىرىندە بولعان قازاق تىلىنە قاتىستى جازبا جاريالادى.
بۇگىن الماتىداعى دوميلليوننىڭ جانىنداعى (رىسقۇلوۆ كوشەسى، 149) "لاعمانحانا №1"-دە مەنيۋدىڭ جاڭارعانىن بايقادىم. گليانەتس جۋرنال سياقتى ادەمى قىلىپ باسىپتى. ءبارى ۇيلەسىپ تۇر، بىراق تەك ورىسشا جاساعان ەكەن. داياشى قازاقشا نۇسقاسىنىڭ جوق ەكەنىن مويىنداپ، ادمينيستراتورىنىڭ ۆاتسابىن بەردى. وعان جازىپ ەدىم، ولار بىردەن ماسەلەنى ءبىر اپتادا شەشۋگە ۋادە بەردى. سوندىقتان ونلاين ارىزدانباي-اق، مۇمكىندىك بەرەيىن دەپ ويلادىم.
جالپى، وتكەندەگى ء"سانىم" وقيعاسىنان كەيىن لاعمانحانالار قازاق ءتىلىنىڭ قۇدىرەتىن ءتۇسىنىپ، قازاقشا مەنيۋدىڭ كەرەك ەكەنىن سەزىنە باستاعان سياقتى. مىسالى، سول "لاعمانحانا №1-دەگى" بارلىق كەلۋشىلەر قازاقشا سويلەپ وتىردى. داياشىلارى دا، كۇزەتشىلەرى دە قازاقشا سويلەپ ءجۇر. ال مەنيۋ تازا ورىسشا. الماتى - پارادوكستار قالاسى. بىراق جانعا جايلى قالا.
“ادىرنا” ۇلتتىق پورتالى
