تالدىقورعان اكىمى اسپانعا نە ءۇشىن وق اتتى؟

1738
Adyrna.kz Telegram

بەيسەنبىدە الەۋمەتتىك جەلىدە تالدىقورعان قالاسىنىڭ اكىمى اسەت ماساباەۆتىڭ اسپانعا مىلتىق اتقان ۆيدەوسى پايدا بولدى، دەپ حابارلايدى "ادىرنا" ۇلتتىق پورتالى  "Tengrinews.kz-كە سىلتەمە جاساپ. 

وسىلايشا، اكىم باق وكىلدەرىن كەلە جاتقان كاسىبي مەرەكەمەن قۇتتىقتاۋدى ءجون كورگەنى بەلگىلى بولدى. اكىم جۋرناليستەر مەن بلوگەرلەردى دەمالۋعا شاقىرىپ، نىساناعا اتۋدان جارىس ۇيىمداستىرعان.

ۆيدەو جەرگىلىكتى Instagram-پابليكتەردە تاراپ، تالقىعا ءتۇستى. كەيبىر قولدانۋشىلار ماساباەۆتىڭ باستاماسىن قولداسا، ەندى ءبىرى اكىمگە ماڭىزدىراق ماسەلەلەرمەن اينالىسۋ كەرەك ەكەنىن ايتقان.

"قالا اكىمى اسەت ماساباەۆ باق قىزمەتكەرلەرى اراسىندا وق اتۋدان تۋرنير وتكىزدى. بۇل جەردە سىنايتىنداي ەشتەڭە جوق، باق وكىلدەرىنىڭ دەمالىسى. اكىم سوندا بارىپ، جەرگىلىكتى جۋرناليستەر مەن بلوگەرلەردى قۇتتىقتادى. اتىس ارنايى ايماقتا ءوتتى. وسىنداي ءىس-شارالار باق-تىڭ رۋحىن، كوماندالىق كۇشىن كوتەرۋ ءۇشىن قاجەت دەپ ويلايمىن", - دەپ ءتۇسىندىردى قالا اكىمىنىڭ ءباسپاسوز قىزمەتى وكىلدەرى ۆيدەوعا قاتىستى.

 

"ادىرنا" ۇلتتىق پورتالى 

پىكىرلەر