Taldyqorǵan ákimi aspanǵa ne úshin oq atty?

1737
Adyrna.kz Telegram

Beısenbide áleýmettik jelide Taldyqorǵan qalasynyń ákimi Áset Masabaevtyń aspanǵa myltyq atqan vıdeosy paıda boldy, dep habarlaıdy "Adyrna" ulttyq portaly  "Tengrinews.kz-ke silteme jasap. 

Osylaısha, ákim BAQ ókilderin kele jatqan kásibı merekemen quttyqtaýdy jón kórgeni belgili boldy. Ákim jýrnalıster men blogerlerdi demalýǵa shaqyryp, nysanaǵa atýdan jarys uıymdastyrǵan.

Vıdeo jergilikti Instagram-pablıkterde tarap, talqyǵa tústi. Keıbir qoldanýshylar Masabaevtyń bastamasyn qoldasa, endi biri ákimge mańyzdyraq máselelermen aınalysý kerek ekenin aıtqan.

"Qala ákimi Áset Masabaev BAQ qyzmetkerleri arasynda oq atýdan týrnır ótkizdi. Bul jerde synaıtyndaı eshteńe joq, BAQ ókilderiniń demalysy. Ákim sonda baryp, jergilikti jýrnalıster men blogerlerdi quttyqtady. Atys arnaıy aımaqta ótti. Osyndaı is-sharalar BAQ-tyń rýhyn, komandalyq kúshin kóterý úshin qajet dep oılaımyn", - dep túsindirdi qala ákiminiń baspasóz qyzmeti ókilderi vıdeoǵa qatysty.

 

"Adyrna" ulttyq portaly 

Pikirler