قوستاناي قالاسى جاستار سارايىندا ساعات 11:00 دە «جاستارعا مۇمكىندىك!» تاقىرىبىندا كەزدەسۋ وتەدى. ءىس-شارا قر اقپارات جانە قوعامدىق دامۋ مينيسترلىگى مەن «ازاماتتىق باستامالاردى قولداۋ ورتالىعىنىڭ» قولداۋىمەن «ادىرنا» ۇەب» قق «جاستاردى الەۋمەتتەندىرۋ جانە وڭالتۋ» جوباسى اياسىندا وتەدى. NEET ساناتىنداعى جاستاردى ەلىمىزدىڭ الەۋمەتتىك-ەكونوميكالىق ومىرىنە تارتۋ ماسەلەلەرى قاراستىرىلادى.
NEET ساناتىنداعى جاستار اراسىنداعى قارىم-قاتىناستى نىعايتىپ، يدەيالاردى تاراتىپ، جاستاردىڭ جۇمىسقا، وقۋعا بەلسەندىلىك تانىتپاۋ سەبەپتەرى، جوبالىق كەڭسە تاراپىنان جاستارعا كومەك بەرۋ جانە كاسىبي باعدارلاۋ تۇرلەرى، NEET جاستارىنىڭ قوردالانعان ماسەلەلەرىنىڭ شەشۋ جولدارىن قاراستىرۋعا باعىتتالعان.
ءىس-شارانىڭ ماقساتى كوتەرىلەتىن ماسەلەلەر ارقىلى جاستاردى بولاشاق ومىرلىك جوسپارلارىنا ىنتالاندىرۋ جانە شىعارماشىلىق الەۋەتتى دامىتۋ.
ءىس-شارا سپيكەرى نۇرماحان سوپبەكوۆ. ءبىلىم بەرۋ پروتسەسىنە جانە جۇمىسپەن قامتۋعا تارتىلماعان جاستارعا مانساپ جانە جەكە ءوسۋ ءۇشىن ومىرلىك داعدىلاردى دامىتۋداعى تاجىريبەلەرىمەن بولىسەدى.
سونىمەن قاتار، پىكىرتالاس حالىقتى جۇمىسپەن قامتۋ ورتالىعى، كاسىپكەرلەر پالاتاسى، جاستار رەسۋرستىق ورتالىعى سىندى مەكەمەلەردىڭ قاتىسۋىمەن وتەدى.
كەزدەسۋ بارىسىندا بۇگىنگى كۇنى ەڭبەك نارىعىنداعى قاجەتتى ماماندىقتار جانە قاي سالانى بەلسەندى دامىتۋ كەرەك، جاستاردى كاسىپكەرلىك قىزمەتكە وقىتۋ، كاسىپكەردىڭ قاجەتتى داعدىلارى، جاستارعا بەرىلگەن مۇمكىندىك پەن سونى قالاي دۇرىس پايدالانۋ كەرەكتىگى جايىندا ءسوز بولادى.
قوسىمشا اقپارات ءۇشىن:
ايدار حاميت +7 747 926 02 60
ەلەكتروندىق پوشتا: jasadyrna@gmail.com
