قازاقستاندىق جۋرناليست سەرگەي پونومارەۆ شەشەنستان باسشىسى رامزان قادىروۆتىڭ «رەسەي قازاقستاندى قۇتقاردى» دەگەن ۇندەۋىنە جاۋاپ بەردى، دەپ حابارلايدى «ادىرنا» ءتىلشىسى.
«رامزان قادىروۆ رەسەي قازاقستاندى «ەگەمەندىگىنەن ايىرىلىپ قالا جازداعان كەزدە» قۇتقارعانىن ايتادى. ۆايناحتاردىڭ ءۇشىنشى ۇرپاعىنىڭ ەستە ساقتاۋ قابىلەتى ناشار ەكەنىن بىلمەپپىن. 1944 جىلدىڭ اقپانىندا كەڭەس ۇكىمەتىنىڭ ايتۋىمەن 500 مىڭعا جۋىق شەشەن سەنىمسىز جانە گيتلەر جاعىنا وتۋگە دايىن حالىق رەتىندە قازاقستانعا ازىق-تۇلىك پەن جىلى كيىمسىز ۆاگوندارمەن جونەلتىلدى. قازاقتار شەشەندەردى قاقاعان ايازدا اش-جالاڭاش قاتىپ قالۋدان ساقتاپ، وزدەرىنىڭ سوڭعى نانىمەن ءبولىستى. سونداي-اق السىرەگەن شەشەن بالالارىن بالشىق ۇيلەرىنە پانالاتتى. بۇل حالىق قازاقستان مەن قازاقتاردى كادىمگىدەي ءتاڭىر تۇتتى. بىرەۋ رامزان احماتۇلىنىڭ جادىن جاڭارتسا، ول كەم دەگەندە ءبىر مينۋتقا ۇيالاتىن شىعار»،– دەدى ول.
