"توقاەۆ ءپۋتيننىڭ مەنمەنشىل ريتوريكاسىن تىڭداۋعا ءماجبۇر بولدى"

ونىڭ ۇستىنە جيىندى شوۆينيستىك مالىمدەمەلەرىمەن، سونىڭ ىشىندە قازاقستانعا قاتىستى قيتۇرقى سوزدەرىمەن بەلگىلى بولىپ، «ارنايى وپەراتسيانى» قولداۋشىلاردى باسقارىپ جۇرگەن مارگاريتا سيمونيان جۇرگىزدى. ەكى ايعا جەتپەيتىن ۋاقىت بۇرىن عانا ونىڭ كۇيەۋى، رەجيسسەر تيگران كەوسايان قازاقستاننىڭ اتىنا اۋىر ايىپ تاعىپ، بىرنەشە مالىمدەمە جاساعان ەدى. شارا سوعىستى اقتاپ، باتىستى جامانداۋعا ارنالدى. قازاقستان باسشىسى سول ۇزاق-سونار اگرەسسياشىل مالىمدەلەردى «تىڭداۋشىسى» بولدى.

ۇيىمداستىرۋشىلار الدىن الا بولجادى ما، جوق پا، پۋتين مەن توقاەۆتىڭ سوزدەرى ءبىر-ءبىرىن جوققا شىعاراتىن پىكىرسايىس بولدى. توقاەۆ ۋكرايناداعى سوعىستى سىناماعانىمەن، ءپۋتيننىڭ ءبىراز ءسوزىن ديپلوماتيالىق تۇردە جوققا شىعارىپ، اشىق پوزيتسياسىن ايتىپ وتىردى. سونداعى ەڭ باتىل ءسوزى – «لنر» مەن «دنر»-دى مويىندامايتىنى بولدى. بۇۇ جارعىسىنا سۇيەنۋ ارقىلى ول ءپۋتيننىڭ «حالىقارالىق جاريا قۇقىققا» سىلتەپ، سوعىستى اقتاعان سوزىنە قارسى شىقتى", — دەپ جازدى ول.

ء"پۋتيننىڭ «باتىس بەرمەي قويعان زاتتىڭ ءبارىن باسقا جاقتان الامىز نە ءوزىمىز شىعارامىز» دەگەن سوزىنە توقاەۆ بىرنەشە رەت قارسىلىق ءبىلدىردى. «قازىرگى زاماندا تولىق وقشاۋلانۋ مۇمكىن ەمەس» دەدى قازاقستان باسشىسى. قازاقستاننىڭ ەگەمەندىگىنە قاتىستى داۋلى مالىمدەمەلەر جاساعان رەسەي دەپۋتاتتارىنا، تيگران كەوسايانعا قاتىستى مالىمدەمەسىن توقاەۆ ادەيى ايتتى. وعان بۇل جونىندە سۇراق تا قويىلماعان ەدى. ياعني قازاقستان باسشىسى وسىنداي «سوعىسشىل اتموسفەرانىڭ» اياسىندا قالىپ قوياتىنىن ءبىلىپ، سول ءسوزىن ادەيى دايىنداپ بارعانداي اسەر قالدىردى", — دەدى ساياساتتانۋشى.