الماتى قالاسىنداعى №33 اۆتوبۋستا ەر ادامدار اراسىندا جانجال تۋىندادى. وقيعانىڭ بەينەجازباسى جەلىدە تارادى، دەپ حابارلايدى «ادىرنا» ءتىلشىسى.
كۋاگەرلەردىڭ ايتۋىنشا، جانجال 20 تامىز كۇنى بولعان. قوعامدىق كولىكتە تۋىنداعان سوزگە كەلىسپەۋشىلىك كەيىن توبەلەسكە ۇلاسقان. جاعداي ءتىپتى پىشاقتاسۋعا دەيىن جەتۋگە شاق قالعان.
كادرلاردان جولاۋشىلاردىڭ توبەلەسكە قاتىسۋشىلاردى اجىراتۋعا تىرىسقانىن كورۋگە بولادى. ولارعا اۆتوبۋس جۇرگىزۋشىسى دە قوسىلعان. بەينەدەن بالانىڭ جىلاعانى مەن ادامداردىڭ ايقايلاعان داۋىستارى ەستىلەدى.
وقيعادان كەيىن اۆتوبۋس قوزعالىسىن جالعاستىرعان. قازىرگى ۋاقىتتا جانجالدىڭ ءمان-جايى انىقتالىپ جاتىر.
ۇقساس جاڭالىقتار
