300-den astam almatylyq «The finiko» qarjy pıramıdasyna aldanǵan. Shyǵyn kólemi 2 mln AQSh dollaryna jýyq. Iaǵnı, 630 mln teńgeden asady. Bul týraly Qarjy Monıtorıng agenttiginiń Almaty qalasy boıynsha aýmaqtyq departamentiniń ókilderi málimdedi, dep habarlaıdy “Adyrna” ulttyq portaly.
Qazir qarjy pıramıdasy fılıalynyń basshylary tergelip jatyr. Qylmystyq is boıynsha úsh adam qamaýǵa alynyp, basqa adamdardyń qatysy anyqtalý ústinde. Osyǵan qatysty quqyq qorǵaý organdary azamattardy qyraǵy bolýǵa jáne jınaqtaryn kúmándi qarjy ınstıtýttaryna salmaýǵa shaqyrady. Aıta keteıik, «The finiko» kompanııasy elimizde 2021 jyly qarjylyq pıramadasy retinde tanylǵan.
“Qarjy naryǵyn retteý jáne damytý agenttiginiń qorytyndysyna sáıkes, «The finiko» sımýlıator bolyp tabylady jáne qatysýshylar bul baǵdarlamany saýda men ınvestıııalaýdyń alańy dep, aqsha salady, al kompanııanyń ózi dúnıejúzilik qor bırjalarynda tirkelmegen. Eger siz nemese sizdiń týystaryńyz «The finiko» áreketinen zardap shekse, agenttiktiń senim telefonyna habarlasyńyz”, - dedi QR Qarjylyq monıtorıng agenttiginiń resmı ókili Álibek Ábdilov.
