16 ماۋسىم كۇنى ساعات 18.00-دە نۇر-سۇلتان قالاسىنداعى «كەرۋەن سيتي» ساۋدا ورتالىعىندا ەرەكشە بالالاردىڭ اتا-انالارى قوعامى «Freedom» ينكليۋزيۆتى توپتاماسىنىڭ كورسەتىلىمى مەن «وسوبەننوە سچاستە» كىتابىنىڭ تۇساۋكەسەرىن ۇيىمداستىرادى.
ديزاينەرلىك توپتامادا مۇمكىندىگى شەكتەۋلى جانداردىڭ قاجەتتىلىكتەرى ەسكەرىلگەن.
اۆتورى ا.ءابدىبايتوۆانىڭ «وسوبەننوە سچاستە» كىتابىنىڭ تۇساۋكەسەرى – قازاقستانداعى اۋتيزم تۋرالى اتا-انا كوزىمەن جازىلعان تۇڭعىش كىتاپ. قولتاڭبانى كىتاپتىڭ باس كەيىپكەرى بالا ءامىر الپامىس بەرەدى.
ەرەكشە ادامداردىڭ ماسەلەلەرىنە كوڭىل ءبولۋ جانە اتا-انالار قاۋىمىنىڭ باستامالارىنا قولداۋ كورسەتۋ اسا ماڭىزدى.
ءىس-شارانىڭ ماقساتى - اتا-انالار مەن بالالاردىڭ ومىرىندەگى قيىندىقتاردى جەڭۋ ارەكەتتەرىنە قولداۋ كورسەتۋ.
FREEDOM ينكليۋزيۆتى توپتاماسى ماۋسىمنىڭ تەندەنتسيالارىن كورسەتەدى. توپتا كيۋگە ىڭعايلى، تابيعي ماتەريالداردان جاسالعان. FREEDOM – ايگۇل قاسىموۆا ديزاينەرلىك ءۇيى مەن «Fashion park» جشس ىنتىماقتاستىعى ءونىمى.
كورسەتىلىمگە ادەتتەگى مودەلدەرمەن قاتار ەرەكشە مودەلدەر، قوعام قايراتكەرلەرى، انالار قاتىسادى.
سونداي-اق ءىس-شارا باعدارلاماسىنا ينكليۋزيۆتى بالالاردىڭ ورىنداۋىنداعى كونتسەرتتىك باعدارلاما، كوللەكتسيالىق شوۋ جانە اۆتوگراف سەسسياسى كىرەدى.