پرەزيدەنت قاسىم-جومارت توقاەۆتىڭ فرانتسياعا مەملەكەتتىك ساپارى اياقتالدى، دەپ حابارلايدى "ادىرنا" ۇلتتىق پورتالى اقوردانىڭ ءباسپاسوز قىزمەتىنە سىلتەپ.
قازاقستان پرەزيدەنتىن رەسمي شىعارىپ سالۋ ءراسىمى ورلي اۋەجايىندا ءوتتى. ۇشۋ الاڭىندا قۇرمەت قاراۋىلى ساپ تۇزەپ، ەكى ەلدىڭ ءانۇراندارى شىرقالدى.
مەملەكەت باسشىسىن فرانتسيانىڭ قارۋلى كۇشتەر ءمينيسترى سەباستيان لەكورنيۋ مەن باسقا دا لاۋازىمدى تۇلعالار شىعارىپ سالدى.
قايتقانعا دەيىن قاسىم-جومارت توقاەۆ فرانتسيا پرەزيدەنتىنىڭ اتىنان ۇيىمداستىرىلعان ەليسەي سارايىنداعى مەملەكەتتىك قابىلداۋعا قاتىستى.
قاسىم-جومارت توقاەۆ ەممانيۋەل ماكرون مەن ونىڭ زايىبى بريدجيت ماكرونعا قازاق دەلەگاتسياسىنا ەرەكشە قوناقجايلىق كورسەتكەنى جانە دوستىق پەيىلدەرى ءۇشىن ريزاشىلىق ءبىلدىردى.
مەملەكەتتىك قابىلداۋعا فرانتسيانىڭ ۇكىمەت مۇشەلەرى، بەلگىلى ساياساتكەرلەر، ىسكەرلىك توپ، عىلىم جانە ديپلوماتيا وكىلدەرى، سونداي-اق ەكى ەلدىڭ كورنەكتى مادەنيەت جانە سپورت قايراتكەرلەرى شاقىرىلدى.
سالتاناتتى كەش سوڭىندا ەممانيۋەل ماكرون قاسىم-جومارت توقاەۆقا ۇستەل تەننيسىنەن پاريج وليمپياداسىنىڭ قولا جۇلدەگەرى الەكسيس لەبرەندى تانىستىردى. مەملەكەت باسشىسى الەكسيس لەبرەنمەن بىرگە ۇستەل تەننيسىن وينادى.
