QR Prezidentı Qasym-Jomart Toqaev el aumaǧynan altyn men şetel valiutasyn äketuge qatysty Jarlyqqa tolyqtyru engızdı. Bügın baspasöz betterınde Prezidenttıŋ arnaiy Jarlyǧy jariialandy, dep habarlaidy “Adyrna” ūlttyq portaly.
«Qazaqstan Respublikasynyŋ qarjylyq tūraqtylyǧyn qamtamasyz etu şaralary turaly» Qazaqstan Respublikasy Prezidentınıŋ 2022 jylǧy 14 nauryzdaǧy № 830 Jarlyǧyna tolyqtyru engızu turaly
QAULY ETEMIN:
1. «Qazaqstan Respublikasynyŋ qarjylyq tūraqtylyǧyn qamtamasyz etu şaralary turaly» Qazaqstan Respublikasy Prezidentınıŋ 2022 jylǧy 14 nauryzdaǧy № 830 Jarlyǧyna mynadai tolyqtyru engızılsın: mynadai mazmūndaǧy 1-1-tarmaqpen tolyqtyrylsyn:
«1-1. Osy Jarlyqtyŋ 1-tarmaǧynyŋ talaptary:
1) Qazaqstan Respublikasy Ūlttyq bankınıŋ operasiialaryna, sondai-aq Qazaqstan Respublikasy Ūlttyq bankınıŋ qūrylymyna kıretın ūiymdardyŋ operasiialaryna;
2) Qazaqstan Respublikasynyŋ aumaǧyna Euraziialyq ekonomikalyq odaqqa müşe bolyp tabylmaityn memlekettıŋ aumaǧynan əkelıngen jəne qaita öŋdeu şarttary turaly qūjat jəne memlekettık baqylau aktısı negızınde «kerı eksport» kedendık rəsımımen məlımdeletın şeteldık şikızatty qaita öŋdeuden keiın alynǧan affinirlengen altyndy əketuge;
3) Euraziia ekonomikalyq odaǧyna müşe memlekettıŋ alys-berıs şikızatyn qaita öŋdegennen keiın alynǧan affinirlengen altyndy sol Euraziia ekonomikalyq odaǧyna müşe memlekettıŋ aumaǧyna affinirlengen altyndy keiınnen əkete otyryp (qaita öŋdeu şarttary turaly qorytyndy negızınde) əketuge;
4) ekınşı deŋgeidegı bankterdıŋ şeteldık bankpen jasasqan tiıstı şarty negızınde jüzege asyrylatyn tölemdık emes jəne (nemese) ainalysqa jaramsyz qolma-qol şetel valiutasyn əketuıne;
5) Qazaqstan Respublikasy Ükımetınıŋ jekelegen aktılerınde aiqyndalatyn özge de jaǧdailarǧa qoldanylmaidy dep belgılensın».
2. Osy Jarlyq alǧaşqy resmi jariialanǧan künınen bastap qoldanysqa engızıledı. Qazaqstan Respublikasynyŋ Prezidentı Q.Toqaev Nūr-Sūltan, Aqorda, 2022 jylǧy 11 mausym № 923
Eske sala keteiık, 14 nauryzda Memleket basşysy Qazaqstan Respublikasynyŋ qarjylyq tūraqtylyǧyn qamtamasyz etu şaralary turaly qaulyǧa qol qoiǧan edı. Atalǧan qaulyda QR Ūlttyq bankı äketu künıne belgılegen baǧam boiynşa eseptelgen jäne 10 000 (on myŋ) AQŞ dollary balamasynan asatyn somadaǧy qolma-qol şetel valiutasyn jäne (nemese) şetel valiutasyndaǧy aqşa qūraldaryn;
Ūlttyq bankı şyǧaratyn affinirlengen altynnyŋ 5, 10, 20, 50 jäne 100 gramm altyn qūimalaryn jäne altynnan jasalǧan «ALTYN BARYS» jäne kümısten jasalǧan «KÚMIS BARYS» investisiialyq monetalaryn, sondai-aq 100 gramnan astam affinirlengen altyndy äketuge tyiym salynǧan edı.
”Adyrna” ūlttyq portaly
Ūqsas jaŋalyqtar
