اتىراۋدا ماسامەن كۇرەسۋگە بيۋدجەتتەن 130 ملن تەڭگە ءبولىندى

2839
Adyrna.kz Telegram
فوتو: massaget.kz
فوتو: massaget.kz

بيىل اتىراۋدا تەندەردىڭ كەش وتكىزىلۋىنە بايلانىستى كوشەلەر مەن ساياباقتاردا دەزينسەكتسيالاۋ جۇمىستارى ءبىر اي كەش باستالدى. سوعان قاراماستان، ماسامەن كۇرەسۋگە بيۋدجەتتەن 130 ميلليون تەڭگە ءبولىندى، دەپ حابارلايدى “ادىرنا” ۇلتتىق پورتالى.

ءساۋىر ايىندا اتىراۋدا 1100-دەن استام كوپقاباتتى ۇيلەردىڭ جەرتولەلەرى مەن كىرەبەرىستەرىن وڭدەۋ جۇمىستارى باستالدى. ولاردىڭ كوبىسى سۋ استىندا قالىپ، وندا ماسالار كوبەيەدى. دەزينفەكتورلاردىڭ ايتۋىنشا، بۇعان كوكتەمدە جاۋعان جاۋىن-شاشىن سەبەپ.

«دەزينفەكتورلار بەلگىلەنگەن سەگىز ساعات قانا ەمەس، ۇستەمە جۇمىس ىستەيدى. جابدىق پەن كەرەك-جاراق جەتكىلىكتى. بۇگىنگى تاڭدا 23 قىزمەتكەرىمىزدىڭ 20-سى ماسا اۋلاۋمەن اينالىسادى. بۇل 10 بريگادا»، - دەيدى «AG Dezinfection Services» جشس ديرەكتورىنىڭ ورىنباسارى نۇرلىبەك احمەدياروۆ.

بۇركۋگە قولدانىلاتىن بارلىق پرەپاراتتار مەملەكەتتىك ساراپتامادان جانە سىناقتاردان وتكەن. ەپيدەميولوگ گۇلميرا حودجيبەكوۆانىڭ ايتۋىنشا، حيميالىق زاتتاردىڭ ادامعا دا، وسىمدىكتەرگە دە زيانى جوق، جانۋارلار دا زارداپ شەكپەيدى.

«تۇرعىندارعا ءوز ايماعىنداعى جۇمىستاردىڭ باستالۋى تۋرالى ەسكەرتۋگە تىرىسامىز. وتكەن جىلى ادامدار كوروناۆيرۋس سەپكەن دەگەن جالعان حاباردى ەستىپ، وڭدەۋگە تىيىم سالعان جاعدايلار بولدى»، - دەيدى گۇلميرا حودجيبەكوۆا.

ماسالاردىڭ تاعى ءبىر ماسەلەسى - ولاردىڭ حيميالىق زاتتارعا تەز بەيىمدەلۋى. دارىلەردى مەزگىل-مەزگىل وزگەرتۋ كەرەك. ماماندار اتىراۋدا ماسالاردىڭ ءۇش ءتۇرى كەزدەسەتىنىن اتاپ ءوتتى: كاسپي تەڭىزىنىڭ جاعالاۋىندا وسەتىن وتە ءىرى Caspius aedes, ۇيدەگى Culex pipiens جانە Pipiens pipiens.

”ادىرنا” ۇلتتىق پورتالى

 

پىكىرلەر