فينليانديا پرەزيدەنتى ساۋلي نينيستە ناتو باس حاتشىسى يەنس ستولتەنبەرگكە فينليانديا شۆەتسياسىز ۇيىمعا مۇشە بولۋدان باس تارتاتىنىن ەسكەرتتى، دەپ حابارلايدى “ادىرنا” ۇلتتىق پورتالى NRKتەلەارناسىنا سىلتەمە جاساپ.
نينيستەنىڭ ايتۋىنشا، ەگەر تۇركيانىڭ قارسىلىعىنا بايلانىستى شۆەتسيانىڭ مۇشەلىگى كەيىنگە شەگەرىلسە، فينليانديادا دا ناتو-عا مۇشە بولۋدان باس تارتادى.
"سەبەبى، شۆەتسيانىڭ ماسەلەسى بىزدىكىمەن ورتاق. ءبىز جاقىن ارالاساتىن ەلمىز. مەنىڭ بۇل شەشىمىم ءبىر ماقساتپەن العا جىلجىپ كەلە جاتقانىمىزدى بىلدىرەدى", - دەدى نينيستە.
ستولتەنبەرگ فينليانديانىڭ ناتو-عا مۇشەلىككە ءوتىنىشىن تالقىلاۋ ءۇشىن فينلياندياعا بارادى.
ەسكە سالايىق، مامىردا ەكى ەل ناتو مۇشە بولۋعا ءوتىنىش بەرگەن ەدى. الايدا تۇركيا پرەزيدەنتى شۆەتسيا مەن فينليانديا انكارانىڭ تالاپتارىن ورىنداماي اليانسقا كىرمەيدى دەگەن بولاتىن. ەردوعاننىڭ سوزىنشە، اسكەري بلوكقا مۇشە بولۋ ءۇشىن بۇل ەلدەر تەرروريزمدى قولداۋدى توقتاتۋى ءتيىس.
”ادىرنا” ۇلتتىق پورتالى
