تۇركيا پرەزيدەنتى رەجەپ تايىپ ەردوعان جۇما كۇنى شۆەتسيا مەن فينليانديانىڭ ناتو-عا كىرۋ يدەياسىنا تەرىس قارايتىنىن ايتتى، دەپ حابارلايدى “ادىرنا” ۇلتتىق پورتالى.
“تۇركيا بۇل ماسەلەگە وڭ ەمەس، ويتكەنى كۇردىستان جۇمىسشى پارتياسىنىڭ (PKK) مۇشەلەرى وسى سكانديناۆيا ەلدەرىندە بەلسەندى»، - دەدى ەردوعان.
تۇركيادا لاڭكەستىك ۇيىم دەپ تانىلعان پكك وكىلدەرىنىڭ «كەيبىر ەلدەردە ءتىپتى پارلامەنت دەپۋتاتى» ەكەنىنە نازار اۋداردى.
«شۆەتسيا پكك مەن باسقا دا لاڭكەستىك توپتاردىڭ مەكەنىنە اينالدى»، - دەپ كەلتىرەدى تۇرىك اقپارات قۇرالدارى ەردوعاننىڭ ءسوزىن.
ەلدىڭ ناتو-عا كىرۋى ءۇشىن وسى وداق قۇرامىندا بولعان بارلىق ەلدەردىڭ كەلىسىمى قاجەت.
“ادىرنا” ۇلتتىق پورتالى
ۇقساس جاڭالىقتار
