كەشە اۆتوتۇراقتىڭ جوقتىعىنان شۋ شىعارعان تۇرعىندار گاگارين كوشەسىن جاۋىپ تاستاعان بولاتىن. رۇقسات ەتىلمەگەن ميتينگتىڭ سالدارىنان ءبىر ادام كوز جۇمدى. وسى وقيعادان كەيىن بوستاندىق اۋدانىنىڭ اكىمى التاي راحيمبەتوۆ تۇرعىندارمەن كەزدەستى، دەپ حابارلايدى "ادىرنا" ۇلتتىق پورتالى.
بۇل تۋرالى t.me/kozachkow/5384 تەلەگرامم كانالى جازدى.
كەزدەسۋگە كەلگەن بوستاندىق اۋدانىنىڭ اكىمى ميتينگكە شىققاندارعا ايىپپۇل سالىناتىنىن، ءتىپتى 15 تاۋلىككە جاۋاپقا تارتىلاتىنىن جەتكىزدى. ءسوزىن تىڭداماي، شۋلاعان تۇرعىندارعا اشۋلانعان ول: "تىڭداماساڭدار كەتەمىن، وزدەرىڭ شەشىپ الىڭدار", — دەدى.تۇرعىندار اكىمنىڭ سوزىنە قارسى شىعىپ، تالاپتارىن ايتتى. ازىرگە ناقتى قانداي شەشىم شىعارىلعانى بەلگىسىز.
"ادىرنا" ۇلتتىق پورتالى.
